Matta 2:12 - Mewar Alqawarang

¹² Tu̱ gaɓ nu̱ mbu̱ ghai ɓaanda ve njiv nggur zu̱mndi, ku̱me Magham wa wu wor mbu̱ zhine za ku̱ gaɓ nu̱ she Khiridus ɓa.

Matta 2:12 ပူးပေါင်းရင်းမြစ်များ

Matta 1:20

A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi.

Matta 2:13

Gaanje peetar ɓaanda, tu̱ nu̱ ru̱kti ɓu̱ Magham a ɓa ye Yusufu mbu̱ zhine. A za, “Ju to da woyang ndu̱ man tun ɗan Masar, tun a khan fara kope nga zu̱ ɗye shir ye nu gana fan ku̱me Khiridus ka laɓ nyifi ɓu̱ woyang.”

Matta 2:19

Gaanje mu̱ti ɓu̱ kuji gwaanji Khiridus, Yusufu a Masar, tu̱ nu̱ ru̱kti ɓu̱ Magham a ɓa yenda mbu̱ zhine. Za,

Matta 2:22

Yang nu̱ tu̱kki Arkilawus woi ɓu̱ kuji gwaanji Khiridus zu̱mki kwaaɗar Yakhudiya me ɓu̱ zhin, tu̱ tu̱k sawar yir fara. Nu̱ Magham wuki nda mbu̱ zhine, tu̱ ɗu̱kya mbu̱ dlar ghai Galili.

Matta 27:19

Nu̱ Bilatus khaki gha ye maa kumarang tu̱ nokhzan a ru̱k ku̱ ze nda za, “Vi ɓar mbu̱ njiv ɓu̱ nu̱ dambi nang ku̱me nga za bonye ndu̱ zhine ndu̱ chin virkir nang.”

Luka 2:26

Jiimbi shakhshakhndi wa wuɗ yenda za ɓu̱ mu̱ɗ ɓa kope wa na Masiya nyedli alqawar ɓu̱ Magham.

Tlu̱nar ɓu̱ Pudeku 10:22

Tu̱ zu̱ ku za, “Ɗya gorkir soje Rome nggur a ru̱kki rem, dlu̱man za Korneliyus. Ɗya nu̱ jeembu, nduk mbarkandi nu̱ sawar Magham, Yakhudeku kap a na zhaaji ɓaran. Yang nu̱ ru̱kti na viki she Magham zu̱ki yenda za ɗu̱ na kaa ɓaran chin tu̱k ɗyi nu̱ke to ka zu̱ki.”

Tlu̱nar ɓu̱ Pudeku 4:19

Tu̱ yang Biturus ndu̱ Yokhana tlogha za, “Kuma ma ndu̱ vaanu, wa shi torop ku̱ mbu mi ɓalar ɓaanu tu̱ duk ɓu̱ Magham mu?

Tlu̱nar ɓu̱ Pudeku 5:29

Tu̱ Yang Biturus ndu̱ ɓeena Pudekwang tlogha yenda za, “Wa ku̱s ku̱ shi mi zu̱r ɓu̱ Magham tu̱ duk zu̱r ɓu̱ nduku.

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 8:5

Yang kuruku nang ka shi tlu̱nar ɓaanda mbu̱ Kib shakhshakhndi nu̱ke chin ke shipar jiimbi nu̱ke a viɗi. Ku̱me sarchi nu̱ke Musa a ma za shekhɗekh nu̱ke Magham ka khaki mban nang, wa wu nda za, “To shi aa nu̱m tu̱ kha ba wa shipar nu̱ wutki yor ɗyin dlengang.”