Matta 19:23 - Mewar Alqawarang

²³ Tu̱ Yesu ze nu̱ mburi nda kwang za, “Zhire ngaa zu̱ran ye nu, ka shi shar ku̱ nu̱ gu̱na vi nu̱ mbu̱ kwaaɗar mbu̱ viɗi.

Matta 19:23 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 18:3

Tu̱ zu̱ za, “Ngaa zu̱ zhire ye nu, mbu̱ nun nggoɗ tun kha wa qusonggi pichichi ɓa, sar da tun ɓu̱ vi nu̱ mbu̱ kwaaɗar ɓu̱ Magham ɓa.

Matta 19:22

Nu̱ nyakhtlirang tu̱kki wanang, tu̱ ɗu̱ varan ndu̱ su̱bu̱rti memu̱na, ku̱me ɗya nu̱ gu̱na maɗyi.

Matta 21:31

“Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.

Matta 5:20

Jiwa nga zu̱ran ye nu, mbu̱ nun duk Maalu̱mku ndu̱ Pariseku ndu̱ jeembu ɓa shwat tun ɓu̱ vi nu̱ mbu̱ kwaaɗar ɓu̱ Magham ɓa.

Markus 10:23

Tu̱ Yesu nggu̱t kaa tu̱ nggu̱t kaa, kom tu̱ ze nu̱ mburi nda kwang za, “Ka shi shar maɗyi ye nu̱ gu̱narku ku̱ vi nu̱ mbu̱ kwaaɗar ɓu̱ Magham.”

Luka 18:24

Nu̱ Yesu naki memu̱naran wa su̱bu̱ri tu̱ zu̱ za, “Ka shi shar maɗyi ku̱ nu̱ gu̱na vi nu̱ mbu̱ kwaaɗar ɓu̱ Magham!

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

1 Korintiyeku 1:26

Nyeezaku, nggu̱t ma ɗyi nu̱ke tun a mban sarchi nu̱ Magham qaki nu ɓa. Khang chele ɓaanu ɗya nduki nu̱ke nduki daki wor ma nggu̱bu̱ng, nu̱ kwaaɗarku nu̱ chele ɓaanu tun nun maitaki khang ɓa, yang tun qusonggi ɓu̱ nduk kudaandi zum ɓa.

Yaqub 2:6

Yang ɓaanu, tun wa ka ndu̱m nu̱ nungndi ku. Yang nu̱ gu̱narkwang ke nu̱ ranna nu ku de? Wor ke nu̱ da zhaano ɓaanu nu̱ gume kumar ɓa goma?