Matta 18:10 - Mewar Alqawarang

¹⁰ “Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 18:10 ပူးပေါင်းရင်းမြစ်များ

Matta 1:20

A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi.

Matta 12:20

Ɓu̱ zha aa ghofi nu̱ shiki bing ma zhar nu̱ gha ɓa, ɓu̱ piita ɓai nu̱ shiki bing ma mu̱ti nu̱ gha ɓa, kope wa sa zhire tu̱ zu̱m loobo.

Matta 18:14

Wanang tu̱k, Zhinonu nu̱ mbu̱ viɗi nu̱ shim aa nduk da mbu̱ qusonggi nang ku̱ sagha ɓa.

Matta 18:6

“Aaki saki da chele ɓu̱ qusonggi nu̱ maitaki nga nang tu̱ shi sola, kuzhom ku̱ gu̱n vu̱nar khi nu̱ ve quran, yang kom tu̱ mbuk nda nu̱ mbu̱ ɗyim chitndi kirkandi.

Matta 2:13

Gaanje peetar ɓaanda, tu̱ nu̱ ru̱kti ɓu̱ Magham a ɓa ye Yusufu mbu̱ zhine. A za, “Ju to da woyang ndu̱ man tun ɗan Masar, tun a khan fara kope nga zu̱ ɗye shir ye nu gana fan ku̱me Khiridus ka laɓ nyifi ɓu̱ woyang.”

Matta 2:19

Gaanje mu̱ti ɓu̱ kuji gwaanji Khiridus, Yusufu a Masar, tu̱ nu̱ ru̱kti ɓu̱ Magham a ɓa yenda mbu̱ zhine. Za,

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Luka 1:19

Tu̱ nu̱ ru̱kti ɓu̱ Maghamang ze nda za, “Nga ke Jibu̱railu nang ka chingki gha gume Magham. Magham a ru̱kki nga ma zu̱ labar mu̱nkandi nang yoro.

Luka 10:16

“Kap njif nu̱ tu̱kki nu, a tu̱k kya nga. Kap njif nu̱ zhangki nu gha yang, zhang kya nga. Aaki nu̱ zhangki nga yang, zhang kya Magham nu̱ ɗa ru̱kki ngang.”

Luka 16:22

“Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.

Tlu̱nar ɓu̱ Pudeku 10:3

Sarchi ngguri, vi kunung nu̱ mugdi tu̱ yitan qu̱ni. Tu̱ na nu̱ ru̱kti ɓu̱ Magham ye dalangi aa ɓa she nda tu̱ zu̱ za, “Korneliyus!”

Tlu̱nar ɓu̱ Pudeku 12:15

Tu̱ yang ze nda ku za, “To yirtan!” Tu̱ wonkharang gang varan nu̱ si za ɗya ba chin. Tu̱ zu̱ ku za, “Mbu̱ wanang, ɗya jiimban!”

Tlu̱nar ɓu̱ Pudeku 12:23

Fan ndu̱ fan tu̱ nu̱ ru̱kti ɓu̱ Magham nggur a ɓa tu̱ ghwat nda nu̱ yaghai, ku̱me nu̱ vu̱r gorkir ye Magham ɓa. Tu̱ khogdiku ki zu̱m nda tu̱ mu̱ɗi.

Tlu̱nar ɓu̱ Pudeku 27:23

Ku̱me mbu̱ɗa nu̱ ru̱kti ngguri ɓu̱ Maghamndi ɓanga nu̱ke nga ghar ghai yenda, tu̱k wa ching sha.

Tlu̱nar ɓu̱ Pudeku 5:19

Tu̱ nu̱ ru̱kti ɓu̱ Magham a ɓa mbu̱ virkirang tu̱ qu̱n me virikwang nu̱gha tu̱ ngga wor gha, tu̱ ze wor za,

Romeku 14:10

Yang to ɗa, nu̱m saki to ki kuma mu̱dlwang na? To yang tu̱k, nu̱m saki to ki ndu̱m mu̱dlwang na? Kap ɓaarem chem ka ɓa ching gha gume zhakhɗye kumar ɓu̱ Magham.

Romeku 14:21

Wa shi mbar ku̱ nji na dlu ɓa, yang za na ɗyim anap ndu̱ shir aa nyi tun zum ɓa, mbu̱ ka sa nggu̱di ɓu̱ mu̱dlo.

Romeku 15:1

Chem nyem khaki du̱mbu̱ran mbe maito ɓaarem wa shipa ku̱ shi mi kanaɗyi ndu̱ nduki nu̱ke khukhutanku, ma ku̱ shaata mi wor mbe tu̱ɓti ɓaanda. Ku̱ kha mi ndu̱ ndolar ɗyin ɓa.

1 Korintiyeku 11:22

Woɗye rafa kha nu nu̱ke tun ka zu̱mki tun za nje de? Nang tun a ndu̱mkya tabar ɓu̱ nu̱ mbu Magham mu, yang tun a vu̱rkya bonye ye nduki nu̱ke tun kha wor ɓa? Yang leendang zu̱ nga kya nu̱m ye nu ɗo, makhta nga nu ku̱me ɗye shir nu̱ke tun a san nang mu? Sar da ngam ɓu̱ makhta nu ɓa.

1 Korintiyeku 16:11

Ku̱me nang ndu̱m nu nda ɓa, tun du̱ng nda ma ku̱ ɗa ɓa sha laya, ku̱me nga nggu̱t njiv ɓar ɓaran su̱yen ndu̱ nyeezerem ku.

1 Korintiyeku 9:22

She nduki nu̱ke maito ɓaanda kata, tang kha wa nga wanang ma a dut nga wora, Nga kha ma aa nyi tun she ndukiku zum zum ma ɗana nga ɓeenan a kikimndi.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 10:10

Nduki a zu̱ran za, “Lagarkatiku ɓu̱ Bulus ɗya ɗyi sharkandi ndu̱ ɓalar du̱mbu̱rkandi ku kya mban, yang mbu̱ a su̱yen ndu̱ chem, ɓalar ɓaranang du̱mbu̱ran ɓa, yang nu̱ ka zu̱ ɗyi piikandi ɓa.”

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

1 Tasalonikeku 4:8

Ku̱me nang aaki zhangki mbu shogar nang gha, zhangkya nduk ɓa, zhangkya Magham, chin nu̱ka vu̱rki Jiimbi ɓaran shakhshakhndi yenwang.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 9:24

Jiwa Masiya nu̱ vikya nu̱ mbu̱ Kib shakhshakhndi nu̱ nduk du̱nki ɓa, ɗya ba zhire shipar ɓu̱ nu̱ viɗang. Masiya vikya nu̱ mbu̱ viɗi, ma ku̱ ɗu̱ nji gume Magham ku̱me chem.

Ɗyin mbu̱ tukari 8:2

Kom tang na nu̱ ru̱kti ku ɓu̱ Magham mutndikwang chingndan gha ku gume Magham, tu̱ yang vu̱r domndiku mut ye wora.