Matta 16:27 - Mewar Alqawarang

²⁷ Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:27 ပူးပေါင်းရင်းမြစ်များ

Matta 13:41

Yi ɓu̱ nduk ka ɓa ru̱k nu̱ ru̱ktiku ɓaran tu̱ taba nduki nu̱ka saki nduki ma solari ndu̱ nu̱ tlu̱na ɗyi malkandiku kap, tu̱ komba wor ɓar mbu̱ kwaaɗar ɓaran.

Matta 13:49

Ka shi wanang ve lauɗarsi larji, nu̱ ru̱ktiku ɓu̱ Magham ka ɗa ɓa tu̱ shakh chele ɓu̱ nduki nu̱ mu̱narku ndu̱ nduki nu̱ jeembu ku.

Matta 24:30

“Kom shipar ɓu̱ Yi ɓu̱ Nduk kaɗa vi viɗi. Nduki nu̱ larji kap ka shi ghoori ku̱me sawa. Ka na Yi ɓu̱ Nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 26:64

Tu̱ Yesu ze nda za, “Ba wa no zu̱kyang. Yang nga zu̱ran ye nu, ji ɗyin leendang tun ka na Yi ɓu̱ Nduk kharan ɗyin bu̱n zu̱me ɓu̱ Nu̱ zalalyang, a ɓar tu̱k mbu̱ ku̱zapti nu̱ mu̱na viɗi.”

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Markus 14:62

Tu̱ Yesu tlogha yenda za, “Ɗya nga, yang tun ka na Yi ɓu̱ Nduk kharan ve bu̱n zu̱me ɓu̱ nu̱ Zalale kap, a ɓar ɗyin ku̱zaptiku nu̱ viɗi.”

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Luka 21:27

Kom ka na Yi ɓu̱ nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Luka 22:69

Yang ji ɗyin meeni, Yi ɓu̱ Nduk ka khan ɗyin bu̱n zu̱me ɓu̱ Magham nu̱ zalale aa nu̱m.”

Luka 9:26

Aaki kawaki nga ndu̱ ɓalar ɓanga, nga Yi ɓu̱ nduk ngga ɓa tu̱k kawar ɓaran mbu̱ ngaa gaɓ mbu̱ zhaaji ɓanga ndu̱ zhaaji ɓu̱ Zhinkir ɓanga ndu̱ ɓu̱ nu̱ ru̱ktiku shakhshakhndi ɓu̱ Magham.

Yokhana 21:22

Tu̱ Yesu ze nda za, “Mbu̱ nang shim ku̱ mu̱t ɓa kope nga gaɓi, nu̱m ke ɓa mba na? Ɓa ba mburi nga!”

Yokhana 21:23

Tu̱ labar nang ɗu̱ aa fu̱n chele ɓu̱ nu̱ mbu Yesu ku, a zu̱ran ku za nu̱ mbu Yesu nang ɓu̱ mu̱t ɓa. Yang Yesu nu̱ ze nda za ɓu̱ mu̱t ɓa ɓa. Zu̱ za, “Mbu̱ nga shim ku̱ kha ndu̱ nyifi kope gaɓti ɓanga, nu̱m ke ɓa mba na?”

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Romeku 14:12

Aa nyi nduk da chele ɓaarem ka shiga si khar viti nyin shiki ye Magham.

Romeku 2:6

Magham ka ɓi aaki ku̱rku̱r ndu̱ tlu̱nar ɓaran.

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

1 Korintiyeku 8:8

Ɗye zu̱m ɓu̱ sa chem kha bing ndu̱ Magham ɓa. Mbu̱ nyem zu̱m ɓa chem kata ɓa, yang mbu chem wa zu̱m chem ɓu̱ paata ɓa.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Afiseku 6:8

Tun wa zu̱n nu ɗyine aa nyi tlu̱nar mbarkandi nu̱ nduk shiki ka gwa ɗye ɓiiri she Zhinkir gwaanji, aa maava aa ye rafa.

Kolosiyeku 3:25

Yang nu̱ tlu̱nar zop, ka gwa ɗye ɓi ɓu̱ zop ɓaran, ku̱me Magham ka kuma aaki ku̱rku̱r.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 4:16

Jiwa Zhinerem gwaanji ndu̱ ɗyinan ka ɗa zhur viɗi, ndu̱ qar maɗyikandi, ndu̱ su̱qur gorkir ɓu̱ nu̱ ru̱ktiku ɓu̱ Magham, ndu̱ piiri domndi ɓu̱ Magham. Nduki nu̱ mu̱tki mbe Masiya, ka nggaki su̱ jiiri gumapaali.

Yaqub 5:7

Ku̱me nang, nyeezaku, shi ma khar kanaɗyi ma ɓar ye sarchi nu̱ke Zhinkir gwaanji ka ɗa gaɓki. Nggu̱t ma pooni kaɗanyi nu̱ke nu̱ ghuti ka shiki sarchi nu̱ke a bu dam ɓaran ku̱ vu̱r boote mbarkandi. Wa ka shi kaɗanyi tu̱ bu romndi nu̱ gumapaali ndu̱ nu̱ gana.

1 Biturus 1:17

Ma nu̱ke tun wa ka qa Magham “Zhinki” sarchi nu̱ke tun a barari. Ku̱me nang tun shi khar ɓaanu ndu̱ sawa ma ɓar ye sarchi nu̱ke tun ka woɗaki khar runggi nu̱ke tun a shiran mbu̱ larji nang. Ku̱me Magham ɗya nu̱ kuma yang ka kuma tlu̱nar ɓu̱ aa nyi nduku waare shimndi ɗyin.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.

Ɗyin mbu̱ tukari 20:12

Tang na nduki nu̱ mu̱tki ku, woi ndu̱ gorki, chingndan ku gume zhakhɗyang yang tu̱ qu̱n lagarkatiku nu̱gha. Kom tu̱ qu̱n lagarkati nggur tu̱k nu̱gha, chin ke, Lagarkati nu̱ Nyifiri. Tu̱ kuma nduki nu̱ mu̱tki ɗyine ɗyi nu̱ shiki ku, ba wa nu̱ke a nje bu̱laran mbu̱ lagarkatikwang.