Matta 16:24 - Mewar Alqawarang

²⁴ Tu̱ Yesu ze nu̱ mburi nda kwang za, “Kap njif nu̱ke a shim mburi nga, ku̱ zhang ɗyinan gha tu̱ da qu̱far kaatli varan tu̱ mburi nga.

Matta 16:24 ပူးပေါင်းရင်းမြစ်များ

Matta 10:38

Kap njif nu̱ke nu̱ da qu̱far kaatli ɗyinan tu̱ mburi nga ɓa, nu̱ khu̱l ma ku̱ kha ma ɓang ɓa.

Matta 27:32

A mbu̱ yir ku, tu̱ gama ndu̱ khuski ngguri ye ghai Sariyan, dlu̱man za Siman, tu̱ ranna nda ku tu̱ da qu̱far kaatli ɓu̱ Yeswang.

Markus 10:21

Tu̱ Yesu nggu̱ti nda mbe ndola tu̱ ze nda za, “To mbu̱ɗ kya ɗyi da ye kharki. Ɗu to ɗa masa ɗyi nu̱ke a kha ɓar kap to vu̱r ye nu̱ nungndiku, kom to ka gwa du̱ngndi gu̱nar mbu̱ viɗi, kom to ɗa ɓa to daasa ma mburi nga.”

Markus 15:21

A mbu̱ yir ku tu̱ na khuski ngguri a peetari dlu̱man za Siman nduk Sariyan, zhin Alekhzanda ndu̱ Rufus a ji mbu̱ gure ngguri, tu̱ ranna nda tu̱ da qu̱far kaatlang.

Markus 8:34

Nu̱ Yesu qaki nduki su̱yen ndu̱ nu̱ mburindakwang nu̱ she nda, tu̱ ze wor za, “Kap njif nu̱ke a shim mburi nga, kope wa njig tlu̱nar shimndi memu̱naran dong, tu̱ da qu̱far kaatli ɗyinan tu̱ mburi nga si.

Luka 14:27

Wanang tu̱k njif nu̱ke nu̱ da qu̱far kaatli ɗyinan (nang ke zar bonye) tu̱ mbuuri nga su̱ ɓa, ɓu̱ kha ma nu̱ mbuuri nga ɓa.

Luka 23:26

Sojekwang a mbu̱ yir ɓar ndu̱ Yesu, tu̱ na khuski nggur dlu̱man za Siman khuzi Sariyan, na viki mbu̱ gure ngguri. Tu̱ ku̱s nda ku tu̱ du̱ng qu̱far kaatlang yenda ma ku̱ mbu gaanje Yesu si.

Yokhana 19:17

Tu̱ Yakhudekwang ɗu̱ ndu̱ Yesu. Yesu vi ɓar mbu̱ ghayang aa da qu̱far kaatli ɗyin varan ma yir ye maa nu̱ka qaki za ye maa du̱ɓ ɗyin. Yang ka qa Golgota ndu̱ me Yakhuda.

Yokhana 21:19

(Yesu zu̱ wanang ma wut pooni mu̱ti nu̱ke Biturus ka ɓa shiki ma ku̱ vu̱r zhaaji ye Magham). Gaanje ɓalar nang tu̱ Yesu ze Biturus za, “A mburi nga.”

Yokhana 21:22

Tu̱ Yesu ze nda za, “Mbu̱ nang shim ku̱ mu̱t ɓa kope nga gaɓi, nu̱m ke ɓa mba na? Ɓa ba mburi nga!”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

1 Tasalonikeku 3:3

ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

2 Timoti 3:12

Shwat aaki nu̱ shimki ku̱ shi khar viti ɓaran ndu̱ ɗye shir mbarkandi ɓu̱ Magham mbe Masiya Yesu ka za bonye.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.