Matta 16:16 - Mewar Alqawarang

¹⁶ Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 16:16 ပူးပေါင်းရင်းမြစ်များ

Matta 1:16

Kom tu̱ Nyagham kha Yusufu zhime Maryam. Maryam ke man Yesu nu̱ka qaki nda Masiya.

Matta 14:33

Tu̱ nduki nu̱ke a mbu̱ du̱mbu̱lang ghar ghai ye Yesu a zu̱ran ku za, “Zhire to Yi ɓu̱ Magham.”

Matta 16:15

Tu̱ ze wor za, “Yang tun ɗa ye nar ɓaanu nga kiya?”

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 27:54

Sarchi nu̱ gorkir soje ɓu̱ Roma ndu̱ ɓeena nduki nu̱ke a bu wudle Yesu naki yakhtar maa vu̱ghayang nu̱ ɗyi nu̱ shikyang kap, tu̱ tu̱k sawar ku maɗyi, tu̱ zu̱ ku za, “Zhire njif nang ɗya Yi ɓu̱ Magham!”

Matta 4:3

Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Markus 14:61

Tu̱ yang Yesu kha varan gha yit, nu̱ tlogha aa nu̱m yenda ɓa. Tu̱ gorkir ɓu̱ kurukwang gaɓ tu̱ zham nda za, “Woɗye to ke Masiya Yi ɓu̱ nu̱ barkya mu?”

Luka 2:11

Wa kha nu̱ ɗanar ye nu meeni mbu̱ ghai ɓu̱ Dauda, dlu̱man za Masiya, Zhinerem gwaanji.

Yokhana 1:49

Tu̱ Nataniyel ze Yesu za, “Maalu̱m, to ke Yi ɓu̱ Magham; to ke Kuji ɓu̱ Israila.”

Yokhana 11:27

Tu̱ Marta tlogha za, “I, Zhinerem gwaanji, nga maita to ke Masiya yi ɓu̱ Magham nu̱ke a ɓar larji.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 6:57

Ba wa ni Zhinkir nu̱ nyifi a ru̱kki nga, yang nga a khar ndu̱ nyifi ku̱me chin, wanang tu̱k, njif nu̱ gaɓki ndu̱ nga ma ɗye zu̱mndi ɓaran ka kha ndu̱ nyifi ku̱me nga.

Yokhana 6:68

Tu̱ Siman Biturus tlogha yenda za, “Zhinerem gwaanji, chem ka ɗu̱kya she kiya? To ke nu̱ ɓalar nu̱ka vu̱rki nyifiri nu̱ke ɓu̱ shi woɗa ɓa.

Yokhana 6:69

Chem wa maita, chem wa zu̱n tu̱k za to ke Shakhshakhndi ɓu̱ Magham.”

Tlu̱nar ɓu̱ Pudeku 14:15

“Nu̱m saki tun ka shi ki wanangang na? Ai, chem nduk wa tunu, chem a ɓa kya ndu̱ Labar Mbarkandi ye nu, ku̱me njig nu ɗyi bamndiku nang tun a gaɓ nu̱ she Magham nu̱ nyifiri. Chin nu̱ du̱ngki maa viɗi ndu̱ maa vu̱ghai ndu̱ ɗyim chitndi ndu̱ ɗyi nu̱ke a mban kap.

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Tlu̱nar ɓu̱ Pudeku 8:37

[Tu̱ Filibus zu̱ za, “Mbu̱ ke ta maita nu̱ memu̱na da, ka shi yoro.” Tu̱ khuskyang tlogha za, “Nga maita Yesu Masiya ke Yi ɓu̱ Magham.”]

Tlu̱nar ɓu̱ Pudeku 9:20

Nu̱ qan maɗyi ɓa, tu̱ Shawulu nggaasi waazu mbu̱ kib tabar ɓu̱ Yakhudekwang a zu̱ran za Yesu ɗya Yi ɓu̱ Magham.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

2 Korintiyeku 3:3

Tun wut nu̱ ɗyine tun ke lagarkati nu̱ ɗa viki she Masiya, nu̱ke tlu̱nar ɓaarem saki tun kha wanang. Yang lagarkati nang nu̱ bu̱la ndu̱ ɗye bu̱la ɓa, bu̱la ndu̱ Jiimbi shakhshakhndi nu̱ nyifi. Nu̱ bu̱lan ɗyine ndogdi nu̱ka shiki bu̱lar nu̱ ɗyinan ɓa, yang bu̱lan mbu̱ memu̱na nduki.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

Yibraniyeku 10:31

Ɗya ɗye sawa ku̱ nduk nggu̱ɗ nu̱ mbu̱ khar Maghamndi nu̱ nyifi.

Yibraniyeku 12:22

Yang tun a ɓakya she Dleng Sikhiyona, she Urshalima nu̱ke a mbu̱ viɗi ghai ɓu̱ Magham nu̱ nyifiri, ndu̱ tabar ɓu̱ nu̱ ru̱ktiku ɓu̱ Magham khang maɗyi a kashar ku.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

1 Yokhana 4:15

Kap njif nu̱ tloghaki za Yesu ɗya Yi ɓu̱ Magham, a mbe Magham, Magham a mbe nda.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

1 Yokhana 5:5

Ki ka ɗu̱maki ra larjyang na? Kope njif nu̱ maitaki za Yesu ɗya Yi ɓu̱ Magham ɗyenda.

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.