Matta 14:14 - Mewar Alqawarang

¹⁴ Nu̱ Yesu viki ɓar mbu̱ du̱mbu̱lang, tu̱ na tabar ndukyang, tu̱ na zhiyaye ɓaanda. Tu̱ shaana nduki nu̱ chele ɓaanda nu̱ke var wor mu̱n ɓa.

Matta 14:14 ပူးပေါင်းရင်းမြစ်များ

Matta 14:15

Nu̱ mugdi shiki tu̱ nu̱ mburindakwang ɓa she nda za, “Nduk nje ve maa nang ɓa, wonji mugdi wa shi. Shi khar mu̱ndi ye nduki nang, ma ku̱ gwa tu̱ ɗu̱ ku mbu̱ gureku, tu̱ ɗa masa ɗye zu̱mndi ye vaanda.”

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Matta 9:36

Nu̱ naki nduki wa taba khang tu̱ tu̱k zhiyaye ɓaanda, ku̱me a za bonyeku yang nu̱ khutlo nje ɓa. Wa kha ku wa ndu̱ɓangku nu̱ke nu̱ khutlo kha wor ɓa.

Markus 6:34

Nu̱ Yesu zhurki mbu̱ du̱mbu̱lang tu̱ na nduki khang, tu̱ yang tu̱k zhiyaye ɓaanda ku̱me wa kha wa ndu̱ɓangku nu̱ke nu̱ khutlo kha wor ɓa, tu̱ nggaasi shoga ɗyiku khang ye wora.

Markus 9:22

Wa ka mbuk nda nu̱ ɓai, ndu̱ mbu̱ ɗyimi, ma tlagha nda, yang mbu̱ to ka ɗu̱ma shi tun ɗyinan, ku̱gam tu̱k zhiyaye ɓaarem to shaata rem.”

Luka 19:41

Nu̱ shiki bing ndu̱ Urshalima, a na ɗyin ghayang, tu̱ shi ghoori nu̱ ɗyine nda

Luka 7:13

Nu̱ Zhinerem gwaanji naki nokhzang, tu̱ na zhiyaye ɓaran, tu̱ ze nda za, “Shi na gho ɓa.”

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 5:2

Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.