Matta 13:8 - Mewar Alqawarang

⁸ Tu̱ yang ɓeenan nggu̱ɗ nu̱ mbu̱ ghai mbarkandi, tu̱ nja woi ɓeenan won won mbu̱ yen, ɓeenan ɗyin njong ɗyin njong mbu̱ yen, ɓeenan ɗyin kunung ɗyin kunung mbu̱ yen.

Matta 13:8 ပူးပေါင်းရင်းမြစ်များ

Matta 13:23

Nu̱ nggu̱ɗki nu̱ ye maa mbarkandang, a khar wa njif nu̱ ka tu̱kki ɓalar ɓu̱ Magham tu̱ da mban, tu̱ vu̱r boota. Ɓeenan won won mbu̱ yen, ɓeenan ɗyin njong ɗyin njong mbu̱ yen, ɓeenan ɗyin kunung ɗyin kunung mbu̱ yen.”

Matta 13:7

Tu̱ ɓeenan nggu̱ɗ nu̱ ye maa nu̱ke njekhtiku a si, tu̱ njekhtikwang gori tu̱ nggu̱tl wor gwaari.

Markus 4:20

Yang ye pooni nu̱ ku̱ɗbaki nu̱ ɗyin ghai mbarkandang a khar wa ndukiku nu̱ ka tu̱kki ɓalar ɓu̱ Magham tu̱ dlu̱ ku, tu̱ shi boote ku si. Tu̱ nja woi ɗyin kunung ɗyin kunung, ndu̱ ɗyin njong ɗyin njong kom ndu̱ won won.”

Markus 4:8

Tu̱ yang ɓeenan ku̱dban ɗyin ghai mbarkandi tu̱ gori tu̱ vi ɗyin rututundi tu̱ nja woi nggu̱shakhɗu̱m ɓeenan ɗyin kunung ɗyin kunung, ndu̱ ɗyin njong ɗyin njong, ndu̱ won won mbu̱ yen.”

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Luka 8:8

Ɓeenan tu̱ ku̱dban mbu̱ ghai mbarkandi tu̱ gorku, tu̱ nja woi mbar maɗyi, nggu̱shakhɗu̱m, won won mbu̱ yen.” Nu̱ Yesu woɗaki vu̱r labarang tu̱ da su̱quran nu̱ viɗi tu̱ ze wor za, “Kap njif nu̱ dar mbu̱ ɓala, dlu̱mndan wa tu̱ki.”

Yokhana 15:8

Shi ma ɗyi nu̱ke Magham a shimndan, ma wut nu za tun nu̱ mburi nga, ku̱me nang ke ɗyi nu̱ke kaɗa ɓa ki ndu̱ zhaaji ye Zhinkir ɓanga.”

Romeku 7:18

Nga zu̱ni, ye khar ɓang nduku, ɗyi mbarkandi a nje kharan mbya ɓa. Jiwa nga shim shi ɗyi mbarkandi, yang shir ɗyen wa ku̱na nga.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.