Matta 13:39 - Mewar Alqawarang

³⁹ Nu̱ zhangndi nu̱ kaɓki gululang ɗya sheɗan. Sarchi ku̱mndang ɗya lauɗarsi larji nu̱ ku̱mndikwang ɗya nu̱ ru̱kti ku ɓu̱ Magham.

Matta 13:39 ပူးပေါင်းရင်းမြစ်များ

Matta 12:32

Aaki zu̱ki ɓalar ndu̱mndi nu̱ ve Yi ɓu̱ nduku, ka yaapa yenda, yang aaki zu̱ki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda ɓa, aa mbu̱ qaandi virkirku nang aa fu̱ɗar wuri.

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 13:25

Sarchi nu̱ke aaki a ɗyeni, tu̱ nu̱ zhangndi ɓaran ɗu̱ tu̱ ɗa kap gululu yenda nu̱ mbu̱ dam alkamyang, tu̱ ɗu̱ varan.

Matta 13:28

“Tu̱ tlogha ye wor za, ‘Nu̱ zhangndi ɓang shiki.’ “Tu̱ maavikwang tlogha za, ‘Ta shim ɗyem chem a ɓu̱ɗ gululang nu̱ gha mu?’

Matta 13:40

“Ba wa nu̱ka tabaki gululang tu̱ va nu̱ gha, ka kha wanang ve lauɗarsi larji.

Matta 13:49

Ka shi wanang ve lauɗarsi larji, nu̱ ru̱ktiku ɓu̱ Magham ka ɗa ɓa tu̱ shakh chele ɓu̱ nduki nu̱ mu̱narku ndu̱ nduki nu̱ jeembu ku.

Matta 24:3

Sarchi nu̱ Yesu khaki gha ɗyine Dleng qu̱far Zaitun, tu̱ nu̱ mburindakwang a ɓa she nda me ɗyin wora tu̱ zu̱ ku za, “Zu̱ yerem, ɗyinang ka shi kochiya? Nu̱m ke shipar gaɓti ɓaara, kom ndu̱ nu̱m ka wuɗki lauɗarsi qaandi virkirang na?”

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

1 Korintiyeku 10:11

Ɗyi nu̱ ɗatlki ndu̱ wor nang ɗya ɗye shoga, bu̱lan gha ma ku̱ wurerem. Yang nu̱ shi wa chem nu̱ke a nje mbu̱ lauɗar su̱ qaandi virkirku nang ɓa.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.