Matta 13:23 - Mewar Alqawarang

²³ Nu̱ nggu̱ɗki nu̱ ye maa mbarkandang, a khar wa njif nu̱ ka tu̱kki ɓalar ɓu̱ Magham tu̱ da mban, tu̱ vu̱r boota. Ɓeenan won won mbu̱ yen, ɓeenan ɗyin njong ɗyin njong mbu̱ yen, ɓeenan ɗyin kunung ɗyin kunung mbu̱ yen.”

Matta 13:23 ပူးပေါင်းရင်းမြစ်များ

Matta 12:33

“Qu̱far mbarkandi ka khakya yen mbarkandi, qu̱far malkandi ka khakya yen malkandi. Nduk ka zu̱n qu̱fa nu̱ ku̱nshe khar yen.

Matta 13:8

Tu̱ yang ɓeenan nggu̱ɗ nu̱ mbu̱ ghai mbarkandi, tu̱ nja woi ɓeenan won won mbu̱ yen, ɓeenan ɗyin njong ɗyin njong mbu̱ yen, ɓeenan ɗyin kunung ɗyin kunung mbu̱ yen.

Matta 3:10

Aa leendang wa kar wa du̱ng me shino nu̱ ve su̱ qu̱farkwang, aa nyi qu̱fa nu̱ zhangki khar woi mbarkandi gha, ka ku̱m nda nu̱ gha tu̱ mbuk nu̱ ɓai.”

Matta 3:8

Shi ma tlu̱nar nu̱ke ka wuɗki za tun wa nggoɗi.

Markus 10:15

Ngaa zu̱ zhire ye nu, kap njif nu̱ke nu̱ dlu̱ kwaaɗar ɓu̱ Magham wa qusonggi pichichindi ɓa ɓu̱ vi nu̱ mban ɓa.”

Markus 4:20

Yang ye pooni nu̱ ku̱ɗbaki nu̱ ɗyin ghai mbarkandang a khar wa ndukiku nu̱ ka tu̱kki ɓalar ɓu̱ Magham tu̱ dlu̱ ku, tu̱ shi boote ku si. Tu̱ nja woi ɗyin kunung ɗyin kunung, ndu̱ ɗyin njong ɗyin njong kom ndu̱ won won.”

Luka 13:9

Mbu̱ wa kha woi gaandan, wa shi mbari, mbu̱ nu̱ kha woi ɓa, kom tu̱ ku̱m nda yaghai.’ ”

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Luka 8:8

Ɓeenan tu̱ ku̱dban mbu̱ ghai mbarkandi tu̱ gorku, tu̱ nja woi mbar maɗyi, nggu̱shakhɗu̱m, won won mbu̱ yen.” Nu̱ Yesu woɗaki vu̱r labarang tu̱ da su̱quran nu̱ viɗi tu̱ ze wor za, “Kap njif nu̱ dar mbu̱ ɓala, dlu̱mndan wa tu̱ki.”

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 8:47

Njif ɓu̱ Magham wa ka tu̱k ɗyi nu̱ke Magham a zu̱ran. Yang nun gwa dlu̱mndonu ye ɗyi nu̱ke Magham a zu̱ran ɓa ku̱me tun ɓu̱ Magham ɓa.”

Tlu̱nar ɓu̱ Pudeku 16:14

Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

2 Korintiyeku 9:10

Magham ke nu̱ vu̱r pooni ye nu̱ ghuti tu̱ kaɓi, tu̱ vu̱r ɗye zu̱mndi yenda tu̱k. Ku̱me nang Magham ka vu̱r ye pooni ye nu ma kaɓ nu, chin ka saki tu̱k tun ku̱m boote khang ku̱me dambi ɓaanu.

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Filipiyeku 4:17

Yang taman nu za nga laɓkya ɗyi nggur she nu ɓa, auwo, nga shimkya gwa nu ɗyi nu̱ke ka shaataki nu̱ ɗyine du̱ngndi ɓaanu.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

2 Tasalonikeku 2:10

Ka shi lambar maatlindi ye nduki nu̱ke a ve njiv su̱yari, ku̱me wa zhang ndola zhire gha ma ku̱ gwa ɗanar ku.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yibraniyeku 6:7

Maa vu̱ghai nu̱ke a gwa romndi aakochi, wa ka ɓana kaɓtiku zum zum nu̱ke nu̱ ghutan ku ka gwaki boote ni, maa nang ɗya maa nu̱ gwaki barke ɓu̱ Magham.

Yibraniyeku 8:10

Wonji alqawar nu̱ke nga ma shiran ndu̱ nduki nu̱ Israila mbu̱ qaandiku nu̱ke a ɓari, nga Zhinkir gwaanji kya ɓalar nang. Ngga sa bibitiku ɓang nu̱ mbu̱ kwaari ɓaanda, ngga bu̱lan mbu̱ memu̱na wora. Ngga kha ma Maghamndi ɓaanda, tu̱ kha ma nduki ɓang ku.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.