Tu̱ Yesu ze wor za, “Kap ɓaanu tun ka ɗa vaanu tun njig tu̱ nga mbu̱ virkir nang ku̱me ɗyi nu̱ke a ma ɗaatli ndu̱ nga. Ku̱me a nje bu̱laran za, ‘Ngga ghwaɗ nu̱ khutlorang, ndu̱ɓang ku nu̱ mbu̱ shapirang ka lakhta ku.’
Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.
Tu̱ Yesu tlogha ye wor za, “Zhire, nga zu̱ran ye nu, tun a kaala nga ku̱me tun wa nji ɓurti tolirang tu̱ mbonu zhi, nun kaala nga ku̱me ɗye saidu nang shikya ɓa.
Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.
Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.
Nduki nu̱ kya ranna nu za ku̱ dla nu sonu nu̱ gha nang, a shim wutan za wor nduki mbarkandi. Yang shi wanang ku̱me a sawa bonye nu̱ke wor ka zaki mbu̱ wa zu̱ku za kaatli Masiya gha me qu̱far kaatlang ɗyenda ka ɗanaki nduku.
Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.
Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.
Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.
Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.