Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matta 13:19 - Mewar Alqawarang

19 Mbu̱ nduk wa tu̱k ɓalar kwaaɗarang yang nu̱ da mban ɓa, Sheɗan ka ɗa ɓa tu̱ lawa ɗyi nu̱ kaɓki nu̱ mbu̱ memu̱naranang ɓara. Nang ke pooni nu̱ nggu̱ɗki nu̱ yiti njivang.

အခန်းကိုကြည့်ပါ။ ကော်ပီ




Matta 13:19
36 ပူးပေါင်းရင်းမြစ်များ  

Mbu̱ Sheɗan a komba Sheɗan, kwaaɗar ɓaran ka ching gha kikimnda, nu̱ke Sheɗan a dakhla ɗyinan?


Pooni nu̱ nggu̱ɗki nu̱ ɗyin tandalang, a khar wa njif nu̱ tu̱kki ɓalar ɓu̱ Magham, tu̱ dlu̱ ndu̱ kasha.


Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.


Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.


Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.


ye pooni nu̱ ku̱ɗbaki nu̱ ɗyin njiva a khar wa ndukiku nu̱ tu̱kki ɓalar ɓu̱ Magham, yang ba nu̱ tu̱kki ku, tu̱ Sheɗan a ɓa tu̱ da ɓalarang ɓar mbu̱ memu̱na wora.


Tun shaana nu̱ khaatiku nu̱ mbu̱ ghayang nu̱ gha tun ze ndukyang nun za, ‘Kwaaɗar ɓu̱ Magham aa ɓa bing ndu̱ tunu.’


Tu̱ ru̱k wor ma wopa kwaaɗar ɓu̱ Magham ye nduki su̱yen ndu̱ shaanar nu̱ khaatiku.


Tu̱ Bilatus zham nda za, “Nu̱m ke zhirya na?” Qu̱rse wa shi zhamndi nang, ta ɓa she Yakhudekwang tu̱ ze wor za, “Ɓang nang gwa nda ndu̱ zop nggur ɓa.


Nu̱m saki nun da mbu̱ ɓalar ɓang ɓa? Ku̱me nun ɗu̱ma gwa dlu̱mndonu ye shogar ɓang ɗo ɓa.


Nu̱ tu̱kki ɓalar dar nda nu̱ viɗi mbe mu̱ti tu̱ ɓeenan shi ɓalar ndu̱mndi yenda, yang tu̱ ɓeenan zu̱ za, “Chem a shim tu̱k mi ɗyi nu̱ke to ka zu̱ki ɗyine ɓalar nang tu̱k.”


Yang nu̱ke ɗya keele ɗyine ɓalarku ndu̱ dlu̱mku, ndu̱ wopar ɓaanu, ɗu̱ma tun a tu̱k si. Ɓang nang shim kuma nga nduk ɗyine pooni ɗyiku nang ɓa.”


“Yang leendang nga zu̱n tun ɓu̱ na nga tu̱k ɓa, tun nang baaraki ɗyinonu nga zu̱ Labar Mbarkandi nu̱ kwaaɗar ɓu̱ Maghamang.


Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.


Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.


Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.


Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.


Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.


tu̱ kuma nduki nu̱ zhangki maita zhire gha, tu̱ ka tu̱k mu̱ndi ɓu̱ mu̱na tu̱k.


Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.


Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.


Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.


Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ