Matta 13:11 - Mewar Alqawarang

¹¹ Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Matta 13:11 ပူးပေါင်းရင်းမြစ်များ

Matta 13:10

Tu̱ nu̱ mburi nda kwa ɗu̱ she Yesu tu̱ zham nda ku za, “Nu̱m saki to ki ɓalar ye nduki mbe ku̱rti ɓalara na?”

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 19:11

Tu̱ yang ze wor za, “Aaki ka dlu̱ki ɓalar nang ɓa, kope nduki nu̱ Magham vu̱rki ye wora.

Matta 20:23

Tu̱ ze wor za, “Wanang ni tun ka za mbu̱ ɗyekhti ɓanga, yang khar nu̱ ve bu̱na nu̱ zu̱ma ndu̱ nu̱ gu̱ɗau, nga ke nu̱ zalale vu̱rtan ɓa. Zhinkir ɓang nu̱ mbu̱ viɗi wa daasa maa khar na ye nduki nu̱ datki.”

Markus 10:40

Yang zalale khar nu̱ ɗyin bu̱na nu̱ zu̱ma ndu̱ gu̱ɗau a khara ɓa, yang ka vu̱rkya ye nduki nu̱ daasaki ku̱me wora.”

Markus 4:11

Tu̱ tlogha ye wor za, wa vu̱r zalale zu̱ndi ɗyi nu̱ke a mbu̱ tuka mbe kwaaɗar ɓu̱ Magham ye nu, yang ɓu̱ nduki nu̱ke a dam ka ze wor mbu̱ ku̱rti ɓala.

Luka 8:10

Tu̱ ze wor za, “Tun nang wa vu̱r zalale ye nu ma zu̱n nu ɗyiku nu̱ke tukakandi mbu̱ kwaaɗar ɓu̱ Magham. Yang ɓu̱ ɓeena nduki, buka ku̱ wuɗ ye wor mbe ku̱rti ɓala ku̱me, ‘Aa wa nggu̱t ku ɓu̱ na ɗyen ɓa, yang aa wa tu̱k ɗyen ku tu̱k am ɓu̱ da mban ku ɓa.’

Yokhana 6:65

Tu̱ zu̱ tu̱k za, “Na ke ɗyi nu̱ saki tang ze nu nga za, ‘Nduk a nje nu̱ke ka ɗu̱maki ɓar sha ɓa, buka mbu̱ Zhinkirang wa vu̱r zalale ni yenda.’ ”

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Tlu̱nar ɓu̱ Pudeku 16:14

Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 15:51

Gwa ma dlu̱mdonu, nga ma zu̱ ɗyi tukakandi nggur ye nu! Chem ɓu̱ mu̱t kap ɓa, ka ɓa mbu̱m shipar ɓaarem yerem nu̱gha kap ɓaarem,

1 Korintiyeku 2:14

Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 4:1

Wa shipa ku̱ kwaari ɓaanu khan ɗyine chem ɗya nu̱ tlu̱narku ɓu̱ Masiya, yang Magham wa vu̱r du̱ngdi ɗyiku tukakandi ɓaran yerem.

1 Korintiyeku 4:7

Ki zu̱ki yor za ta duk mu̱dlwang na? Nu̱m kya kha nu̱ke Magham vu̱rki yoro vu̱r vu̱r ɓa? Yang mbu̱ wanang nu̱m saki ta me wakhti wa no za to gwa bam ɓa?

Afiseku 1:18

Nga barar tu̱k ku̱ Magham vu̱r dar mbu̱ tun ye nu ma ku̱ zu̱n nu nu̱m ke sar memu̱nar nu̱ qaki nu̱ kandi, tun zu̱n zhaaji ɓu̱ gu̱nar shakhti ɗye mbu̱ ge ɓu̱ nduki ɓu̱ Magham.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 5:32

Ɗyi nang ɗya ɗyi gwaanji tukakandi. Yang nga shikya ɓalar ɓu̱ Masiya ndu̱ tabar ɓu̱ nu̱ mburi nda ku.

Afiseku 6:19

Shi ma barar ya tu̱k ku̱me mbu̱ nga qu̱n mya ma ɓala aakochi gwa nga ɗyi nu̱ke ngga zu̱ki ye nu tang zu̱r nda tu̱k waare sawa. Ma wut nga ɗyi tukakandi nu̱ mbu̱ Labar Mbarkandang ye nduki.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 3:9

Wa ku̱s ku̱ khuɓ zhire du̱mbu̱rkandi na viki ye dalang mbu̱ maito nang ndu̱ konyi mbarkandi.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

1 Yokhana 2:20

Yang ɓaanu, Njif shakhshakhndi nang wa pu ɗyinonu nu̱gha. Ku̱me nang kap ɓaanu tun wa zu̱n zhire.

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.