Matta 12:34 - Mewar Alqawarang

³⁴ Tun su̱ti ghu̱ɓtiku, tun ka zu̱ ɗyi mbarkandi kikimnda nu̱ke tun mu̱naranang? Ai ɗyi nu̱ke a memu̱na nduk nang ke ɗyi nu̱ka viki mbu̱ men.

Matta 12:34 ပူးပေါင်းရင်းမြစ်များ

Matta 12:35

Nduk mbarkandi ka fedkya ɗyi mbarkandi mbu̱ du̱ngndi nu̱ke a nje mbe nda, yang nduk malkandi ka fedkya ɗyi malkandi mbu̱ du̱ngdi malkandi nu̱ke a nje mbe nda.

Matta 15:18

Yang ɗyi nu̱ ɗa viki mbu̱ me nduk a vi mbu̱ memu̱naran. Nang ke ɗyi nu̱ka saki nduk tu̱ kha ndu̱ zop.

Matta 23:33

“Tun su̱tiku, tun nggolar su̱ti ghu̱ɓtiku! Tun ka lawa me kumar giɗim ɓai kikimnda?

Matta 3:7

Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Luka 3:7

Ku̱me nang, tu̱ Yokhana ze tabar nduki nu̱ ɗa ɓa ki ma ku̱ shi baptisme ye wora za, “Tun pooni khuskarku! Ki wuuki nu za ɗa nu shokhnar ɓu̱ Magham nu̱ kya ɓara na?

Luka 6:45

Nduk mbarkandi wa ka shi ɗyi mbarkandi ku̱me ɗya ɗyi mbarkandi kya mbu̱ memu̱naran, yang nduk malkandi kaa shikya ɗyi malkandi ku̱me ɗyi nu̱ke a mbu̱ memu̱naranang ɗya ɗyi malkandi. Aakochi, ɗyi nu̱ nduk zu̱ki ndu̱ men nang ke ɗyi nu̱ke a mbu̱ memu̱naran.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Afiseku 4:29

Ku̱ ɓalar malkandi a vi mbu̱ me nu ɓa, zu̱ ma kya ɗyi nu̱ke ka khaki ndu̱ boota ma ku̱ pa nu du̱mbu̱r ye yen wa nu̱ke a gangndan ku. Shir wanangang ka sa tu̱ ɓalar ɓaanu kha ndu̱ boota ye nduki nu̱ke a tu̱ktan.

Afiseku 5:4

Wanang tu̱k ku̱ shi nu me ku̱rji ndu̱ ɓalar bamndi ndu̱ ɗye mu̱si galkandi ɓa, ku̱me nu̱ shipa ɓa. Me ɓu̱ nang tun ki kuna Magham.

Yaqub 3:2

Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.