Matta 12:32 - Mewar Alqawarang

³² Aaki zu̱ki ɓalar ndu̱mndi nu̱ ve Yi ɓu̱ nduku, ka yaapa yenda, yang aaki zu̱ki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda ɓa, aa mbu̱ qaandi virkirku nang aa fu̱ɗar wuri.

Matta 12:32 ပူးပေါင်းရင်းမြစ်များ

Matta 11:19

Nu̱ Yi ɓu̱ nduk a ɓa ki a zu̱mndi ndu̱ zari, tu̱ gaɓ tu̱k za, ‘Na ma nda nu̱ khape zu̱mndi ndu̱ raptikir ɓu̱ nu̱ dlu̱r zhaanggal ku ndu̱ nu̱ “Solar ku.” ’ Yang kap ndu̱ nang, nduk ka na kaɗari ɓu̱ Magham mbe tlu̱nar ɓaran.”

Matta 12:31

Ku̱me nang nga zu̱ran ye nu, ka ɗu̱ ma ndu̱m aa nyi zop ndu̱ ɓalar ndu̱mndi nu̱ nduki shiki ye Magham, yang njif nu̱ shiki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda sarda ɓa.

Matta 12:8

Ku̱me Yi ɓu̱ nduk ɗya Zhinkir ɓu̱ Fu̱ɗar Maasi.”

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 13:39

Nu̱ zhangndi nu̱ kaɓki gululang ɗya sheɗan. Sarchi ku̱mndang ɗya lauɗarsi larji nu̱ ku̱mndikwang ɗya nu̱ ru̱kti ku ɓu̱ Magham.

Matta 13:40

“Ba wa nu̱ka tabaki gululang tu̱ va nu̱ gha, ka kha wanang ve lauɗarsi larji.

Matta 13:55

“Chin ke woi ɓu̱ kafinte nang de? Maryam ke dlu̱m man ɓa goma, Yaqub ndu̱ Yusufu ndu̱ Siman ndu̱ Yakhuda ke khachinkirku ɓaran de?

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Markus 10:30

Ka gwa raftiku, ndu̱ khachinkirku, ndu̱ mankir ku ndu̱ qusonggiku, ndu̱ damku, ndu̱ bonye khang. Yang fu̱ɗar wuri ka gwa nyifi nu̱ke ɓu̱ shi woɗa ɓa.

Markus 3:28

Zhire ngaa zu̱ran ye nu, ka yaapa aa nyi sola ndu̱ ɓalar ndu̱mndi nu̱ nduki shiki ye Magham.

Markus 3:29

Yang aaki shiki ɓalar ndu̱mndi ye Jiimbi shakhshakhndi ɓu̱ yaapa yenda sar da ɓa, ku̱me wa shi solar nu̱ke yaapa su̱ ɓa.

Luka 12:10

Aaki zu̱ki ɓalar ndu̱mndi nu̱ ɗyine Yi ɓu̱ nduku ka gwa yaapari, yang aaki zu̱ki ɓalar malkandi nu̱ ve Jiimbi shakhshakhndi am ɓu̱ gwa yaapar ɓa.

Luka 16:8

“Tu̱ nu̱ rafti ɓu̱ nu̱ song zhiryang makhta nda ku̱me ghu̱rti nu̱ shikyang. Nduki nu̱ mbu̱ larji meeni wa duk nduki nu̱ kya mbu̱ yarang ghu̱rti mbu̱ pooni ɓaanda.

Luka 18:30

Yang nu̱ke za ɓu̱ gwa dukti ɗyi nu̱ njig kya san khang mbu̱ qaandi virkir nang ɓa. Yang tu̱k fu̱ɗar wuri ka gwa nyifi nu̱ke ɓu̱ shi woɗa ɓa.”

Luka 23:34

Tu̱ Yesu zu̱ za, “Zhinkiri ndu̱m solar nang ye wora ku̱me nu̱ zu̱n ɗyi nu̱ke a shiran ku ɓa.” Tu̱ yang shakh luktiku ɓaran nu̱ chele ɓaanda ku̱n she nggar daati ge tombol.

Luka 7:34

Yi ɓu̱ nduk a ɓa a zu̱mndi a zari nun za kaa shi zu̱m ndu̱ za maɗyi, nun za, ‘Ɗya rapti nu̱ dlu̱r zhaanggalku ndu̱ nu̱ solarku.’

Yokhana 7:12

Mbu̱ tabarang, tu̱ nduki khang ki ɓalar ɓu̱ Yesu chele ɓaanda mbu̱ tuka. Ɓeenan ku a su̱paran za, “Ɗya nduk mbarkandi.” Yang ɓeenan za, “Wanang ɓa, a lamba kya nduki.”

Yokhana 7:39

Yang Yesu a shimkya ɓalar ɓu̱ Jiimbi shakhshakhndi nu̱ke nu̱ maitar nda ka ɓa dlu̱ki, jiwa ye sarchi nang nu̱ vu̱r Jiimbi Shakhshakh ndang dong ɓa, ma nu̱ke Yesu nu̱ vi nu̱ mbu̱ zhaaji ɓaran dong ɓa.

Yokhana 7:52

Tu̱ yang tlogha yenda ku za, “To nduk Galili tu̱k mu? Nggu̱t mbu̱ ɓalar ɓu̱ Magham to na ɓa, annabi nggur ɓu̱ ɗa vi Galili shwat ɓa.”

Tlu̱nar ɓu̱ Pudeku 3:19

Ku̱me nang, nggoɗ ma, tun gaɓ nu̱ she Magham ma ku̱ shiɓ solar ɓaanu ye nun gha. Zhinerem gwaanji nu̱ke a su̱yen ndu̱ tunu ka pa du̱mbu̱r ye jiimbonu tu̱ memu̱nanu kha mewa,

Afiseku 1:21

Maa khar nu̱ke Masiya khaki nu̱ nje nang a viɗ ɗyine aa nyi pooni kwaaɗa. Kom ndu̱ me pooni kwaaɗa, ndu̱ zalaleku, ndu̱ me du̱mbu̱rku ndu̱ aa nyi kwaaɗar nu̱ke nduk ka zu̱mki. Aa mbu̱ qaandi virkir ku nang aa fu̱ɗar wuri.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 4:8

Ɗakhti mbu̱ va boota su̱ koɗom, yang khar viti nu̱ke Magham a shimndan boota su̱ ve aa nyi njiva, ku̱me wa shi alqawar barke ye nduk mbu̱ khar viti ɓaarem fan larji ndu̱ fu̱ɗar wuri.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.