Matta 12:31 - Mewar Alqawarang

³¹ Ku̱me nang nga zu̱ran ye nu, ka ɗu̱ ma ndu̱m aa nyi zop ndu̱ ɓalar ndu̱mndi nu̱ nduki shiki ye Magham, yang njif nu̱ shiki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda sarda ɓa.

Matta 12:31 ပူးပေါင်းရင်းမြစ်များ

Luka 12:10

Aaki zu̱ki ɓalar ndu̱mndi nu̱ ɗyine Yi ɓu̱ nduku ka gwa yaapari, yang aaki zu̱ki ɓalar malkandi nu̱ ve Jiimbi shakhshakhndi am ɓu̱ gwa yaapar ɓa.

Tlu̱nar ɓu̱ Pudeku 7:51

“Nu̱ nggar var ku, nduki nu̱ke memu̱na wor kaaku̱ɗakh, nu̱ zhangndi tu̱kti maa ku! Tun wa ka zhang ɗyi nu̱ Jiimbi shakhshakhndi zu̱ki ye nu aakochi ba wa nu̱ zhikannu shiki.

Yibraniyeku 10:26

Sadke nggur a nje nu̱ke ka shiɓki sola ɓar ɓa mbu̱ chem wa zu̱m guma ndu̱ shir solar kharki qu̱rse chem wa zu̱n zhiryang.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

Yibraniyeku 6:4

Jiwa ka shi shar ku̱ nduki nu̱ gwaki yarang ɓalar ɓu̱ Magham, ndu̱ nduki nu̱ darki vu̱rti ɓu̱ Magham nu̱ mbu̱ viɗi, ndu̱ nduki nu̱ gwaki me ɓaanda mbe Jiimbi shakhshakhndi.

1 Yokhana 1:9

Yang mbu̱ chem wa zu̱ solarku ɓaarem ye Magham, ai, ɗya nu̱ nyedli alqawar, nu̱ shir zhire, ka yaapa solar ɓaarem yerem, tu̱ shibterem nu̱gha mbe song dambi ɓaarem kap.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.