Matta 12:28 - Mewar Alqawarang

²⁸ Yang mbu̱ ngaa komba khu̱kheetiku nang ɓar ndu̱ zalale ɓu̱ Jiimbi shakhshakhndi, na wa wuɗ za kwaaɗar ɓu̱ Magham a ɓa ye nu ɗo.

Matta 12:28 ပူးပေါင်းရင်းမြစ်များ

Matta 12:18

“Wonji maavi ɓang nang datki, chin ke ndolar ɓanga, ngaa tu̱k mu̱ndi ɓaran maɗyi. Ngga nyel nda ndu̱ Jiimbi ɓanga, ka shi kumar zhirekandi ye dlar maaku zum zum.

Matta 12:29

“Sar da nduk ɓu̱ ɗu̱ma viri nu̱ kaa ɓu̱ njif nu̱ke du̱mbu̱ran tu̱ yang ghar ɗye varan ɓar ɓa, kope wa gu̱n njif du̱mbu̱rkandang nu̱gha dong, kom tu̱ ɗu̱ma ghar ɗye varanang ɓar mbu̱ rafti ɓaran.

Matta 21:31

“Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.

Matta 21:43

“Ku̱me nang ngaa zu̱ran ye nu, ka lawa kwaaɗar ɓu̱ Magham ɓar kha nu, tu̱ vu̱r ye nduki nu̱ke ka vu̱rki boote mbarkandi.

Matta 4:24

Tu̱ labar ɓaran dlu̱ maarang mbu̱ dlar ghai Siriya kap. Tu̱ ndukyang a ɓa ndu̱ kap nduki nu̱ke var wor mu̱n ɓa. Kom ndu̱ nduki nu̱ke a bonye ndu̱ khaatiku zum zum, ndu̱ nduki nu̱ke a tu̱k vaanda ndu̱ nu̱ khu̱kheetiku, ndu̱ nu̱ muɗyirku, ndu̱ zu̱ɓtiku. Tu̱ yang shaana wor nu̱gha kap.

Matta 6:33

Yang ɗyi gwaanji nu̱ gumapaali nang ke gang ma kwaaɗar ɓu̱ Magham ndu̱ shir shimndi ɓaran, ɓeena ɗyikunang kap ka shaata ye nu nu̱ si.

Markus 1:15

Tu̱ ku̱s zu̱ran za, “Sarchi wa shi ku̱me kwaaɗar ɓu̱ Magham wa shi bing, yang njig ma solar ɓaanu tun maita labar mbarkandang.”

Markus 11:10

Barke ye kwaaɗar nu̱ke a ɓar ɓu̱ Zhinerem Dauda, Khosana mbu̱ viɗi.”

Markus 16:17

Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.

Luka 10:11

‘Aa kalau mbu̱ ghai ɓaanu nu̱ mbu̱ sarerem chem a mbaran nu̱gha ye nu. Yang ɗo zu̱n ma, kwaaɗar ɓu̱ Magham a ɓa bing ndu̱ tunu!’

Luka 11:20

Yang mbu̱ke ngaa komba khu̱kheetiku ɓar ndu̱ zalale ɓu̱ Magham, nanga wa wuɗ za kwaaɗar ɓu̱ Magham aa ɓa ye nu.

Luka 16:16

“Nduki a mbu kya Taurete ɓu̱ Musa ndu̱ lagarkati ɓu̱ annabiku ma khu̱dli sarchi nu̱ Yokhana nu̱ baptisma a ɓa ki, yang ba sarchi nu̱ wopaki labar mbarkandi nu̱ kwaaɗar ɓu̱ Magham, aakya wuta viiri nu̱ mban.

Luka 9:2

Tu̱ ru̱k wor ma wopa kwaaɗar ɓu̱ Magham ye nduki su̱yen ndu̱ shaanar nu̱ khaatiku.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Kolosiyeku 1:13

Jiwa chin lawaki rem ɓar mbe kwaaɗar ɓu̱ zhumi, ta gaɓ ndu̱ chem mbu̱ kwaaɗar ɓu̱ Yi ɓaran nu̱ke a ndolaran,

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.