Larji ɗya ɗye zhiyaye ku̱me ɗyiku khang nu̱ka saki nduki ma sola! Ɗyiku nu̱ka saki nduki ma solari a nje a ɓari, yang njif na ɓa ki si ɗya ɗye zhiyaye.
Tu̱ Yesu ze wor za, “Kap ɓaanu tun ka ɗa vaanu tun njig tu̱ nga mbu̱ virkir nang ku̱me ɗyi nu̱ke a ma ɗaatli ndu̱ nga. Ku̱me a nje bu̱laran za, ‘Ngga ghwaɗ nu̱ khutlorang, ndu̱ɓang ku nu̱ mbu̱ shapirang ka lakhta ku.’
Mbu̱ke yitor nu̱ zu̱ma wa ka sa ma sola to fu̱lokh to mbuk gha. Ka duk ku̱ mbu̱ɗ na me bar da ve man vaaro, ye ku̱ mbuk manva guma da nu̱ mbu̱ giɗim ɓai.
Nang ke ba kafinte nang de, woi ɓu̱ Maryam khachin Yaqub ndu̱ Yusufu ndu̱ Yakhuda ndu̱ Siman, wonji khachinkirku ɓaran nusukandiku su̱yen ndu̱ chin de? Tu̱ kha ma ɗye shokhna ye wora.
Tu̱ Simiyon sa barke ye wora, tu̱ yang ze Maryam man woyang za, “Nggu̱ɗu, Magham wa dat woi nang ku̱me ku̱ kha ma ɗye ji sar she ɓeena nduki, yang tu̱k ku̱ kha ma njiv ɗanar she nduki khang Israila. Yang tu̱k ka kha ma ɗye zhang she nduki.
Njif nu̱ke Jiimba kya zalale ndu̱ chin ɓa, ɓu̱ dlu̱ ɗyiku na viki she Jiimbi shakhshakhndi ɓa, ku̱me a na wa ɗya me nggu̱bu̱ng, yang ɓu̱ gwa mban tu̱k ɓa, ku̱me Jiimbyang ka saki tu̱ nduk gwa mban.
Nyeezaku, mbu̱ nga shikya waazu dlarsi ma ɓar meeni, nu̱m saki tu̱ nduki ki vu̱r bonye ya? Mbu̱ nga jiikya su̱ ku̱ aaki dla san nu̱gha, tu̱ga ɓalar mu̱ti ɓu̱ Masiya ɗyin qu̱far kaatli nu̱ke nga shiran nang ɓu̱ kha ma ɗye damta ɓa.
Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.
