Matta 11:28 - Mewar Alqawarang

²⁸ “A ɓa ma sha kap ɓaanu, tun nu̱ke nun nggumki tun a bonye ndu̱ shipiti taɗakandi ku, ngga vu̱r maasi ye nu.

Matta 11:28 ပူးပေါင်းရင်းမြစ်များ

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Matta 23:4

Wa ka gu̱n shipiti taɗakandi nu̱ke ka shi shar ku̱ nduk da, tu̱ sa ye nduki nu̱ daran yang ɓu̱ shaata nduki nu̱ daran a nu̱ ye khar da ɓa.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 7:37

Fu̱ɗar lauɗar si tabarang, nu̱ke nang ke fu̱ɗar gwaanji nu̱ tabaran, tu̱ Yesu ching gha tu̱ da su̱quran nu̱ viɗi tu̱ zu̱ za, “Kap njif nu̱ke a tu̱k khuzhumndi ku̱ ɗa ɓa sha tu̱ za ɗyimi.

Tlu̱nar ɓu̱ Pudeku 15:10

Yang nu̱m saki tun a keela Magham nu̱ ku̱nshe du̱ngdi shipiti taɗakandi nang ye nu̱ mbu Yesu ku nang, ma nu̱ke aa chem ndu̱ zhikaneremku nyem ɗu̱ma daran ɓa?

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Galatiyeku 5:1

Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

Yibraniyeku 4:1

Nu̱ke alqawar viri nu̱ mbu̱ maasi ɓaran a nje ma ɓar leendang, chem ku̱r vaarem maɗyi ɗo ma ku̱ njif nggur ku̱na gwa viri nu̱ mban ɓa.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.