Matta 11:23 - Mewar Alqawarang

²³ Yang to Kaparnakhum, ta tamandan za to ka ɗa gwa zhaaji maa viɗ mu? Fu̱n ɗo! Ka gaɓ ndu̱ to yaghai ye maa khar ɓu̱ mu̱tiku. Mbu̱ tlu̱nar ɗye lazham ku nu̱ shiki mbe ro mbu̱ shir nda Sodom tu̱ga a nje ma ɓar meeni.

Matta 11:23 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 16:18

Ngaa zu̱ran yoro, to ke Biturus (ndogdi koɗommandi) yang ngga du̱n nduki nu̱ mbuki nga nu̱ ɗyine ndogdi (gwaanji) nang, nu̱ke mu̱ɗ ɓu̱ gwa zalala ɗyine wor ɓa.

Matta 17:24

Nu̱ Yesu ndu̱ nu̱ mburindakwang khu̱lki Kaparnakhum, tu̱ nu̱ dlu̱r zhaanggalku nu̱ Rafti ɓu̱ Magham a gwa Biturus tu̱ ze nda ku za, “Maalu̱m ɓaanu nu̱ka dli zhaanggal nu̱ Rafti ɓu̱ Maghamang de?”

Matta 4:13

Tu̱ njig Nazaret ta gu̱r nu̱ Kaparnakhum nu̱ke a me ɗyim chitndi ve me koɗokh maa ɓu̱ Zebulun ndu̱ Naptali tu̱ khan nje.

Matta 8:5

Sarchi nu̱ Yesu viki nu̱ mbu̱ ghai Kaparnakhum, tu̱ gorkir soje Rome nggur a ɓa she nda ma gang shaata tu̱ khuti nda za,

Luka 10:15

To tu̱k Kaparnakhum! Ta tamandan to ka gwa zhaaji khar viɗi mu? Aa koɗom! Ka gaɓ ndu̱ to gana ye maa khar ɓu̱ mu̱tiku!

Luka 14:11

Ku̱me kap njif nu̱ daki ɗyinang ma ɗyi ngguri, ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱gha ka gwa gorkiri.”

Luka 16:23

Tu̱ gwa varan mbu̱ giɗim ɓai ye maa zar bonye maɗyikandi. Nu̱ daki yitan nu̱ viɗi, tu̱ na Yibram ɓakh fara su̱yen ndu̱ Liazaru.

Luka 4:23

Yang tu̱ ze wor za, “Wanang ɗo, nga zu̱n tun ka zu̱ nggar mbu̱ ɓalar nanga ya, ‘To nu̱ kuzhi, shono vaaro, ɗyiku nyem tu̱kki za ta shi Kaparnakhumang, shi fan mbu̱ ghai ɓaa tu̱k ɓa.’ ”

Tlu̱nar ɓu̱ Pudeku 2:27

Ku̱me tom ɓu̱ njig nyifi ɓang nu̱ mbu̱ ku̱jip ɓa. Yang tom njig Shakhshakhndi ɓaa tu̱ mu̱tl ɓa.

Tlu̱nar ɓu̱ Pudeku 2:31

Dauda wa na ɗyinang zhu tang, tu̱ shi ɓalar ɗyine jiiri ɓu̱ Masiya ɓar mbe mu̱ti za ɓu̱ njigti nda nu̱ mbu̱ ku̱jip ɓa, yang man varan ɓu̱ mu̱tl ɓa.

Yakhuda 1:7

Shi wanang tu̱k ye Sodom ndu̱ Gomora, kom ndu̱ ghaiku nu̱ke a nje kararan ndu̱ wora. Wor tu̱k yang wa vu̱r var wor ye su̱bu̱rti ndu̱ shimndi ɗyi ɓu̱ manva. Wa kha ku ma ɗye buuri ye nduki nu̱ zaki bonye kumar ɓai nu̱ke lauɗa su̱ ɓa.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.

Ɗyin mbu̱ tukari 11:8

Ka njig man var wor nu̱ yiti njiv nu̱ mbu̱ ghai gwaanji nu̱ katlki Zhin wor gwaanji gha me qu̱farang. Wa ka ku̱r ghai nang ndu̱ Sodom, ndu̱ Masar.

Ɗyin mbu̱ tukari 20:13

Tu̱ ɗyim chitndi a pula nduki nu̱ mu̱tki nu̱ke a mbe nda. Mu̱ɗi ndu̱ ye maa khar ɓu̱ mu̱tiku tu̱k, tu̱ ɗa vi ndu̱ mu̱tiku ɓaanda. Tu̱ kuma aa nyi nduk da viɗ ɗyine ɗyi nu̱ tlu̱naki.

Ɗyin mbu̱ tukari 6:8

Nang nggu̱tki tang na pu̱rsi nggur nu̱ke alkhasan. Dlu̱m njif nu̱ke a ɗyinanang za Mu̱ɗi, ndu̱ ye maa khar ɓu̱ mu̱tiku a mbu gaanje nda. Tu̱ vu̱r zalale ye wor ɗyine da mbe vat ɓu̱ nduki nu̱ke a larji, ma ku̱ tlagha wor nu̱gha ndu̱ kaskari, ndu̱ meeri, ndu̱ khaatiku, ndu̱ dlu gaariku nu̱ mbu̱ larji.