Matta 10:3 - Mewar Alqawarang

³ Kom ndu̱ Filibus, ndu̱ Bartilomi, ndu̱ Toma, ndu̱ Matta nu̱ dlu̱r zhaanggali, ndu̱ Yaqub yi ɓu̱ Alfawus, ndu̱ Tadiyus,

Matta 10:3 ပူးပေါင်းရင်းမြစ်များ

Matta 18:17

Mbu̱ wa zhang tu̱k wor gha, to ze tabar ɓu̱ nu̱ mbu Yesu ku, mbu̱ wa zhang tu̱k ɓalar ɓu̱ tabar nu̱ mbu Yesu kwa gha, tun da nda nu̱ mbu̱ njif nu̱ke nu̱ zu̱n Magham ɓa nu̱ solar nu̱ zhangki nggooti gha.

Matta 27:56

Maryam ye Magadaliya, ndu̱ Maryam man Yaqub ndu̱ Yusufu, ndu̱ man qusonggi ɓu̱ Zabadi a chele ɓaanda.

Matta 9:9

Nu̱ Yesu zu̱mki guma ndu̱ yiri, tu̱ na khuski nggur nu̱ka qaki nda za Matta, kharan gha ye maa dlu̱r zhaanggali; tu̱ Yesu ze nda za, “A mburi nga.” Tu̱ yang ji tu̱ mburi nda.

Markus 15:40

Nusuku nggur a nje chingndan ɓakh a nggu̱tan. Yang Maryam ye Magadaliya ndu̱ Maryam man Yaqub koɗomandi, ndu̱ Yusufu ndu̱ Salomi a nje chingndan chele ɓaanda.

Markus 2:14

A peetar tu̱ na Lawi Yi ɓu̱ Alfawus kharan gha ye maa dlu̱r zhaanggali, tu̱ ze nda za, “A mburi nga.” Tu̱ yang ji tu̱ mburi nda.

Markus 3:18

Kom ndu̱ Andu̱rawus ndu̱ Filibus, ndu̱ Bartilomi, ndu̱ Matta, ndu̱ Toma, ndu̱ Yaqub yi ɓu̱ Alfawus ndu̱ Tadiyus, ndu̱ Siman ye Kanana,

Luka 18:10

“Nduki rap a nje nu̱ ɗu̱ki ku ma barar mbu̱ Rafti ɓu̱ Magham, dandang ɗya Parise, yang njif dandang ɗya nu̱ dlu̱r zhaanggali.

Luka 18:11

Nu̱ Parisyang jiiki tu̱ ching gha, tu̱ shi barar ku̱me ɗyinan a zu̱ran za, ‘Magham, nga kuna maɗyi ku̱me nga ngga yen ndu̱ ɓeena ndukiku nu̱ke ɗya nu̱ muuri ku ndu̱ nu̱ mu̱narku, kom ndu̱ nu̱ zawar ku. Yang nga wa nu̱ dlu̱r zhaanggal nang zum ɓa.

Luka 18:13

“Tu̱ yang nu̱ dlu̱r zhaanggalang ching gha gana ɓakh, nu̱ ɗu̱ma daa yitan nu̱ viɗi ɓa, tu̱ ki ɓu̱tl memu̱naran ku̱me nar katar ɓaran a zu̱ran za, ‘Magham, no zhiyaye ɓanga ku̱me nga nu̱ sola.’

Luka 19:2

Tu̱ gorkir ɓu̱ nu̱ dlu̱r zhanggalku nggur nu̱ke gu̱naran, dlu̱man za Zakka

Luka 5:27

Gaandan, tu̱ Yesu vi ɓar mbu̱ ghayang, tu̱ gama ndu̱ njif nggur nu̱ dlu̱r zhaanggali dlu̱man za Lawi, kharan gha ye maa dlu̱r zhaanggali. Tu̱ Yesu ze nda za, “A mburi nga.”

Yokhana 1:48

Tu̱ Nataniyel zham Yesu za, “To zu̱ndi nga kikimndana?” Tu̱ tlogha yenda za, “Nga na ro sarchi nu̱ke ta su̱ qu̱far sugarang me ku̱ Filibus qa ro.”

Yokhana 11:16

Tu̱ yang Toma, nu̱ka qaki nda za, “Mugɗa” ze nyeezan nu̱ mbu Yesu kwang za, “Ɗyem tu̱k, chem a mu̱t su̱yen ndu̱ chin.”

Yokhana 14:22

Tu̱ Yakhuda (yang ɗya Iskariyoti ɓa) ze nda za, “Zhinerem gwaanji, nu̱m saki ta ma wut va yerem yang tom ɓu̱ wut va ye larji ɓa?”

Yokhana 14:5

Tu̱ Toma ze Yesu za, “Zhinerem gwaanji, ai, nyem zu̱n ye maa nu̱ke ta yir su̱ ɓa, yang chem ka zu̱n njivan kikimnda?”

Yokhana 14:9

Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 21:2

Siman Biturus, ndu̱ Toma (nu̱ka qaki nda za, mugɗa), Nataniyel na viki mbu̱ ghai Kaana nu̱ke a mbu̱ dlar ghai Galili. Kom ndu̱ qusonggi ɓu̱ Zabadi ndu̱ nu̱ mburi nda ku nggur wor rap a nje ku kap su̱yen,

Tlu̱nar ɓu̱ Pudeku 1:13

Nu̱ khu̱lki ku mbu̱ ghayang, tu̱ dlan ye maa khar ɓaanda mbu̱ dangkalyang. Nduki nu̱ke a ye maaranang ɗya Biturus ndu̱ Yokhana, ndu̱ Yaqub, ndu̱ Andu̱rawus, ndu̱ Filibus, ndu̱ Toma, ndu̱ Bartilomi, ndu̱ Matta, ndu̱ Yaqub yi ɓu̱ Alfawus. Kom ndu̱ Siman nu̱ka qaki nda za nu̱ zhiri ghai ɓaran, ndu̱ Yakhuda yi ɓu̱ Yaqub.

Tlu̱nar ɓu̱ Pudeku 12:17

Tu̱ yang Biturus bu ye wor nu̱ kharan za ku̱ kha yit ku, kom tu̱ ndaa su̱ ɗyi nu̱ Magham shiki ta fet nda ɓar mbu̱ zhaaru̱mang. Tu̱ ze wor tu̱k za, “Zu̱ ma ɗyi nang ye Yaqub ndu̱ ɓeeni nyeezerem.” Kom tu̱ ji tu̱ ɗu̱ ye maa ngguri.

Tlu̱nar ɓu̱ Pudeku 15:13

Qu̱rse wa du̱ng me ɓalarang ku, tu̱ Yaqub dlu̱ men za, “Nyeeza, gwa ma dlu̱mndonu ya.

Tlu̱nar ɓu̱ Pudeku 21:18

Vi dumaaran tu̱ Bulus ɗu̱ su̱yen ndu̱ chem she Yaqub, yang dlegumeku ɓu̱ tabar ɓu̱ nu̱ mbu Yesu ku a nje ye maaran kap.

Galatiyeku 1:19

Ye sarchi ni, nang na aa da chele ɓeeni Pudekwang ɓa, kope Yaqub khachin Zhinerem gwaanji.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.