Matta 10:25 - Mewar Alqawarang

²⁵ Aa nu̱ke nu̱ dlu̱r shoga ka ɗu̱ma khar wa Maalu̱m ɓaran, tu̱ maava kha wa nu̱ rafti ɓaran. Yang ma nu̱ke wa qa nu̱ raftang za Baalzabul, ka qa ndukiku ɓaran za nu̱ma?

Matta 10:25 ပူးပေါင်းရင်းမြစ်များ

Matta 12:24

Yang nu̱ Parisekwang tu̱kki wanang, tu̱ zu̱ ku za, “A komba khu̱kheetikwang ɓar ndu̱ zalale ɓu̱ Baalzabul kuji ɓu̱ khu̱kheetiku.”

Matta 12:27

Yang mbu̱ke ngaa komba khu̱kheetikwang ɓar ndu̱ zalale ɓu̱ Baalzabul, nu̱ mburonukwang ɗa, ɓaanda ka komba ndu̱ nyi zalalya. Nu̱ mburonukwang ka ɓa kumaki nu ɗyine nang.

Matta 9:34

Tu̱ yang Parisekwang zu̱ za, “Ai, a shikya boote ndu̱ zalale ɓu̱ gorkir ɓu̱ khu̱kheetiku ma fed khu̱kheetikwang ɓara.”

Markus 10:39

Tu̱ tlogha yenda ku za, “Chem ka ɗu̱ma.” Tu̱ Yesu gaɓ tu̱ ze wor za, “Wanang ni, tun ka za ɗyekhti bonye nu̱ke nga ma zaran, tun shi baptisme ndu̱ baptisme nu̱ke nga ma shiran.

Markus 3:22

Tu̱ yang Maalu̱m Taurete ku nu̱ ɗa viki Urshalima zu̱ ku za, ai Yesu a su̱yen ndu̱ khu̱kheetiku ku̱me kombar khu̱kheetiku nu̱ke a shiranang, a shiran ndu̱ zalale ɓu̱ Baalzabul kuji ɓu̱ khu̱kheetiku.

Luka 11:15

Yang ɓeena ndukyang za, “Komba khu̱kheetikwang ɓar ndu̱ zalale ɓu̱ Baalzabul, kuji ɓu̱ khu̱kheetiku.”

Luka 11:18

Ku̱me nang, mbu̱ke nu̱ kwaaɗar ku ɓu̱ Sheɗan a dakhla yen ku kwaaɗar ɓaran a ma gwa maa chingndi ɓa. Ɓaanu tun za ngaa komba khu̱kheetiku ɓar mbe nduki ndu̱ zalale ɓu̱ Baalzabul.

Luka 11:19

Mbu̱ke nang ke ɓalarang, wor nu̱ mbu gaanje nu kwa tu̱k ɗa, ɓaanda a komba Baalzabul ɓar ndu̱ zalale ɓu̱ kiya? Ku̱me nangang, wor ka ɓa kuma nu.

Yokhana 10:20

Tu̱ nduki khang chele ɓaanda zu̱ za, “A su̱yen ndu̱ khu̱kheeti nang ke ɗyi nu̱ saki tu̱ ki me yirti nang. Nu̱m saki tun ngga dlu̱mndonu yenda?”

Yokhana 7:20

Tu̱ ndukyang tlogha za, “To nu̱ khu̱kheet, nu̱ ki kya shim tlagharang na?”

Yokhana 8:48

Tu̱ Yakhudekwang tlogha yenda za, “Alapa zhire ɓaarem de nyem zu̱ki nyem za to khuzi Samariya yang ta su̱yen ndu̱ khu̱kheeti tu̱kang?”

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’