Matta 10:22 - Mewar Alqawarang

²² Nduki kap ka zhangndonu ku̱me nga, yang njif nu̱ kanaɗaki ma khu̱dli ye lauɗar san ka ɗana.

Matta 10:22 ပူးပေါင်းရင်းမြစ်များ

Matta 10:39

Njif nu̱ shimki nyifi ɓaran, ka mbu̱ɗi. Yang njif nu̱ mbu̱ɗki nyifi ɓaran ku̱me nga, ka gwa.

Matta 24:13

Yang kap njif nu̱ kanaɗaki ma yir ve lauɗarsan ka ɗana.

Matta 24:9

“Kom ka vu̱rto nu ɓara, tu̱ vu̱r bonye ye nu, tu̱ tlagha nu. Ndukiku kap ka zhangndonu ku̱me nga.

Matta 5:11

“Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga.

Markus 13:13

Aaki kaa zhangndonu ku̱me dlu̱ma. Yang kap njif nu̱ shiki kaɗanyi ma yir ve lauɗaran, kaa ɗanaki.

Luka 21:17

Aaki ka zhangndo nu ku̱me nga.

Luka 21:19

Mbu̱ tun wa gu̱n memu̱na nu nyifi ɓaanu ka ɗana.

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 7:7

Ɓaanu larji ɓu̱ zhangndo nu ɓa, a zhangkya ba nga, ku̱me ɗye shir ɓaanda malkandi nang ka zu̱ki ye worang.

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

2 Korintiyeku 4:11

Khar nu̱ke chem a shiran mbu̱ larji nang, chem a me mu̱ti ku̱me Yesu, ma ku̱ na khar viti ɓu̱ Yesu mbu̱ man vaarem nu̱ka mu̱tki nang.

Galatiyeku 6:9

Ku̱me nang ku̱ nggum mi ndu̱ shir ɗyi mbarkandi ɓa. Sarchi a nje a ɓari nu̱ke chem ka ɓa gwaki boote nu̱ke barke a si.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

1 Yokhana 3:13

Tun nyeezaku, ku̱ shi nu lazham ɓa mbu̱ nduki nu̱ larji wa zhangndo nu.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 2:17

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu. Aaki raki wute nang, ngga vu̱r ɓeena manne tukakandi yenda. Ngga vu̱r ndogdi ɓongndi yenda tu̱k nu̱ bu̱laki mewar dlu̱m nu̱ ɗyinan yang nduk a nje nu̱ zu̱nki dlu̱m nang ɓa, kope njif nu̱ dlu̱ki ndogdang ɗyenda.”

Ɗyin mbu̱ tukari 2:26

Aaki raki wute, tu̱ zu̱m guma ndu̱ shir ɗyi nu̱ke nga ndolaran ma yir ye lauɗar san, ngga vu̱r zalale yenda ɗyine dlar ghaiku.

Ɗyin mbu̱ tukari 2:3

Nga zu̱n ta kaɗanyi mbe gu̱ndi memu̱nar mbu̱ bonyeku ku̱me dlu̱ma, no nggum ɓa.

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.