Matta 10:15 - Mewar Alqawarang

¹⁵ Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 10:15 ပူးပေါင်းရင်းမြစ်များ

Matta 12:36

Ngaa zu̱ran ye nu, nduki ka shiga su̱ aa nyi maatli ɓalar nu̱ wor shiki fu̱ɗar wuri.

Matta 5:18

Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Matta 7:22

Ye fu̱ɗar naandang nduki khang ka zu̱ ya ku za, ‘Zhinerem gwaanji, Zhinerem Gwaanji! Chem wopaki ɓalar ɓu̱ Magham mbu̱ dlu̱mor ɓa goma? Nyem komba khu̱kheeti ku mbu̱ dlu̱mor de? Nyem shi ɗye lazhamku khang mbu̱ dlu̱mo ɓa?’

Markus 6:11

Kap ye maa nu̱ zhangki dlu̱ronu tu̱ zhang tu̱k ɓalar ɓaanu gha, sarchi nu̱ke tun a ma viri ɓar mbu̱ ghayang, tun mba kalau mbu̱ saaronu nu̱ gha ma ku kha ma saidu ɗyine wora. Zhire ngaa zu̱ran ye nu, fu̱ɗar wuri, Sodom ndu̱ Gomora kaa duk ndu̱ gwa longguma ye ghai nang.”

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

1 Tasalonikeku 5:4

Ai, yang nyeezaku, ɓaanu tun a mbu̱ zhum maa ɓa, nu̱ke Fu̱ɗar nang ka ɗa ɓa ki ye nu wa nu̱ muuri.

Yibraniyeku 10:25

Ku̱ laada mi tabar ɓaarem ma ghaari ghai ye Magham, wa nu̱ ɓeenan ku su̱nki ndu̱ shiran ɓa. Me ɓu̱ nang ki mi pa du̱mbu̱r ye yen, chem shaata shir wanang nu̱ si ku̱me tun a naran nu̱ ɗyine Fu̱ɗar nang wa shi bing ɓari.

2 Bitu̱rus 2:6

Mbu̱ke Magham wa su̱ya ghai Sodom ndu̱ Gomora tu̱ gaɓ nu̱ wor ma pu̱zhit, ma ku̱ wut ɗyi nu̱ke chin ka shiki ye nduki nu̱ke nu̱ zu̱n Magham ɓa.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.

2 Bitu̱rus 3:7

Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.

1 Yokhana 4:17

Nu̱ ku̱nshe nang ndola wa kha nyeedlan mbe rem ma ku̱ kha mi ndu̱ shokhku̱rokh memu̱na fu̱ɗar nu̱ke Magham a ma kuma rem. Jiwa ba wa nu̱ke Masiya si, chem wanang tu̱k mbu̱ larji nang.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Yakhuda 1:7

Shi wanang tu̱k ye Sodom ndu̱ Gomora, kom ndu̱ ghaiku nu̱ke a nje kararan ndu̱ wora. Wor tu̱k yang wa vu̱r var wor ye su̱bu̱rti ndu̱ shimndi ɗyi ɓu̱ manva. Wa kha ku ma ɗye buuri ye nduki nu̱ zaki bonye kumar ɓai nu̱ke lauɗa su̱ ɓa.