Matta 10:1 - Mewar Alqawarang

¹ Tu̱ Yesu qa nu̱ mburi nda ku gwaanggu̱m rap ndang, tu̱ vu̱r zalale ye wor ma fed khu̱kheetiku malkandi ɓar ndu̱ shaanar aa nyi pooni khaati ndu̱ nduki nu̱ke nu̱ da lawan ɓa.

Matta 10:1 ပူးပေါင်းရင်းမြစ်များ

Matta 19:28

Tu̱ Yesu ze wor za, “Zhire nga zu̱ran ye nu, mbu̱ qaandi virkir nu̱ke a ɓari, sarchi nu̱ Yi ɓu̱ Nduk khaki nu̱ ɗyine zhakhɗye ɓaran nu̱ zhaaji. Tun nun mbuki nga tun ka khan ɗyine zhakhɗye gwaanggu̱m rap tun kuma me ghai gwaanggu̱m rapndi ɓu̱ Israila.

Matta 26:20

Nu̱ mugdi shiki tu̱ kha gha ma zu̱m ɗye zu̱mndi su̱yen ndu̱ gwaanggu̱m rapndang.

Matta 26:47

A mbu̱ ɓalarang, tu̱ Yakhuda nu̱ke ɗya da chele gwanggu̱m rapndang a ɓa su̱yen ndu̱ tabar nduki khang. Khubtan ku ndu̱ kaskarku ndu̱ saɓirku. Kuruku rututundi ndu̱ dlegumeku ɓu̱ ndukikwang a ru̱kki wora.

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Matta 9:35

Tu̱ Yesu ɗu̱ mbu̱ ghaiku ndu̱ gureku kap a shogar ye wor mbu̱ kib tabar ɓaanda a wopar labar mu̱nkandi nu̱ kwaaɗar ɓu̱ Magham. Tu̱ ku̱s shaana aa nyi nu̱ khaatiku ndu̱ nduki nu̱ke nu̱ da lawan ku ɓa.

Matta 9:38

Ku̱me nang, khuɗ ma nu̱ damang ku̱ ɗa ru̱k nu̱ tlu̱narku ma ku̱mndang.”

Luka 10:19

Tu̱k ma! Nga vu̱r zalale ye nu, ma ɗu̱ma nu khatl su̱tiku ndu̱ ghu̱rɗarku, kap ndu̱ nu̱ zhangndi ɓaanu, ma ku̱ aa nu̱m gwa nu ɓa.

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Luka 24:49

Wonji ngga ɗa ru̱k ndu̱ alqawar ɓu̱ Zhinkirang ye nu, yang bu ma mbu̱ ghai Urshalima, kope tun wa gwa zalale na ɓaki viɗi.”

Luka 6:13

Vi dumaaran tu̱ taba nu̱ mburi nda ku kap, tu̱ dat nduki gwanggu̱m rap chele ɓaanda, tu̱ qa wor pudeku ɓaran.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 3:27

Tu̱ Yokhana tlogha za, “Nduk a nje nu̱ke ka gwaki aa nu̱m ɓa kope a vu̱r yenda viɗi.

Yokhana 3:35

Zhinkirang a ndola Woyang, wa vu̱r aa nu̱m nu̱ mbu̱ kharan.

Yokhana 6:70

Tu̱ Yesu tlogha za, “Nga datki nu tun gwaanggu̱m rapndi nang ɓa goma? Yang da chele ɓaanu ɗya sheɗan.”

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 19:15

Tu̱ yang khu̱kheetang zham wor za, “Nga zu̱n Yesu, nga zu̱n Bulus tu̱k, yang ɓaanu ɗa, tun ke kiya?”

Ɗyin mbu̱ tukari 12:1

Tu̱ ɗye saidu gwaanji nu̱ke ɗya ɗye lazham a ɗal mbu̱ viɗi: tu̱ nusu nu̱ke lu̱paran ndu̱ fu̱ɗa, ndu̱ chera mbu̱ saaran, yang wa sa ɗye zhar nu̱ anjinjeku gwanggu̱m rap si.