Matta 1:21 - Mewar Alqawarang

²¹ Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Matta 1:21 ပူးပေါင်းရင်းမြစ်များ

Matta 1:25

Yang nu̱ zu̱n nda me ku̱ kha woyang ɓa. Yang nu̱ ku̱s bu̱nan ɓa kope qu̱rse khar woyang. Nu̱ khaki woyang, tu̱ Yusufu qa dlu̱man Yesu.

Luka 1:13

Kom tu̱ nu̱ ru̱kti ɓu̱ Maghamang ze nda za, “Tu̱k na sawa ɓa, Zakariya; Magham wa tu̱k ghoori ɓaaro, Elizabet nokhzor ka shi ghu̱rɓan, tu̱ kha ye khusku, yang to ka sa dlu̱man za Yokhana.

Luka 1:31

To ka shi ghu̱rɓan, to kha woi ye khusku, to ka qa dlu̱man Yesu.

Luka 2:11

Wa kha nu̱ ɗanar ye nu meeni mbu̱ ghai ɓu̱ Dauda, dlu̱man za Masiya, Zhinerem gwaanji.

Luka 2:21

Nu̱ dlaki su̱ woyang gaanje qaandi miyasi, tu̱ qa dlu̱man Yesu, ba wa ni nu̱ ru̱kti ɓu̱ Maghamang qaki nda me ku̱ daa ghu̱rɓandi ɓaran.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 4:42

Tu̱ nduki Samariya ze nokhzang za, “Nyem maita ku̱me ɗyi no zu̱ki ɗyenda ɓa, leendang chem wa tu̱k nu̱ vaarem, yang chem wa maita tu̱k nu̱ ɗyine shwat khuski nang ɗya Nu̱ ɗanar larji yel.”

Tlu̱nar ɓu̱ Pudeku 13:23

“Magham a ɓa ndu̱ nu̱ ɗanari ye Israila ve me sham ɓu̱ khuskinang, chin ke Yesu, ba wa nu̱ daki alqawaran.

Tlu̱nar ɓu̱ Pudeku 3:26

Nu̱ Magham datki maavi ɓaran, tu̱ ru̱kti nda nu̱ she nu gumapaali ma ku̱ sa barke ye nu, tu̱ ɗa da nu ɓar mbe ɗye shir malkandi.”

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.