Markus 5:7 - Mewar Alqawarang

⁷ Tu̱ shi zhaano nu̱ du̱mbu̱r ɓaran tu̱ ze Yesu za, “Ta ma shikya nu̱m ya? Yesu yi ɓu̱ Magham nu̱ viɗi, ngaa khutoro, vu̱r na bonye ya ɓa.”

Markus 5:7 ပူးပေါင်းရင်းမြစ်များ

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 4:3

Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Matta 8:29

Tu̱ ghwat zhaano ku tu̱ zu̱ ku za, “Nu̱m baki ndu̱ chema, Yi ɓu̱ Magham? Ta ɓakya ma vu̱r bonye yerem me ku̱ sarchi ni shi mu?”

Markus 1:24

fan ndu̱ fan tu̱ da su̱quran nu̱ viɗi, a zu̱ran za, “Njigterem, nu̱m baki rem ndu̱ twa? To Yesu khuzi Nazaret? Ta ɓa ma tlagha rem mu? Ngaa zu̱ndoro, to ke njif Shakhshakhndi ɓu̱ Maghamang.”

Markus 14:61

Tu̱ yang Yesu kha varan gha yit, nu̱ tlogha aa nu̱m yenda ɓa. Tu̱ gorkir ɓu̱ kurukwang gaɓ tu̱ zham nda za, “Woɗye to ke Masiya Yi ɓu̱ nu̱ barkya mu?”

Markus 3:11

wonji aakochi khu̱kheetiku malkandi naki nda tu̱ ka gu̱ɗa yaghai ku a zhaano a zu̱ran ku za, “To Yi ɓu̱ Magham.”

Markus 5:6

Yang baa nu̱ naki Yesu ɓakh, tu̱ ɗan she nda tu̱ kurum gha gume nda.

Markus 5:8

Zu̱ wanang ku̱me Yesu wa ze nda za, “Vyu ɓar mbe njifang to khu̱kheeti malkandi!”

Luka 1:32

Ka kha ma nduk gori, ka ɓa qa nda Yi ɓu̱ Magham nu̱ viɗi. Magham Zhinkir gwaanji ka vu̱r kwaaɗar ɓu̱ zhikan Dauda yenda.

Luka 4:34

“Aagha! Nu̱m baki ndu̱ chema, Yesu khuzi Nazaret? Ta ɓa ma tlagha rem mu? Nga zu̱ndoro, To ke Shakhshakhndi ɓu̱ Maghamang.”

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Luka 8:28

Ba nu̱ naki Yesu, tu̱ shi zhaano, tu̱ nggu̱ɗ nu̱ gume Yesu za, “Ta damta nga ma nu̱ma, Yesu, Yi ɓu̱ Magham nu̱ zalale ɗyine aa nu̱m, nga khutoro vu̱r na bonye ya ɓa!”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Tlu̱nar ɓu̱ Pudeku 16:17

Tu̱ yang ka mbu gaanje rem, chem ndu̱ Bulus a zhaano a zu̱ran za, “Nduki nang ɗya maaviku ɓu̱ Maghamndi nu̱ dukki aaki, a wutkya njiv ɗanar ye nu ku!”

Tlu̱nar ɓu̱ Pudeku 19:13

Tu̱ yang Yakhudeku nggur nu̱ke a baara ghaiku a fet khu̱kheetiku malkandi ɓara, shi komkomi boote ndu̱ dlu̱m Zhinerem gwaanji Yesu ɗyine khu̱kheetiku. Tu̱ zu̱ ku za, “Nga zu̱ran ye nu mbu̱ dlu̱m Yesu nu̱ke Bulus a waazu ɓaran nang, a vi ma ɓaara.”

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Romeku 16:20

Magham nu̱ vu̱rti qaandi memu̱na, ɓu̱ shoɓ ɓa ka takhsha Sheɗan nu̱ mbu̱ saran. Ku̱ mu̱nkir ɓu̱ Zhinerem gwaanji Yesu khan su̱yen ndu̱ tunu.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 7:1

Jiwa Melkizedek wa shi kuji Salem, ndu̱ kuru ɓu̱ Maghamndi nu̱ dukki aaki zhaaji. Gama ndu̱ Yibram sarchi nu̱ Yibram a gaɓki qu̱rse wa zu̱m loobo ɗyine kujiku nggur nu̱ shiki dakhlar ndu̱ wora. Nu̱ Yibram gamaki ndu̱ Melkizedek, tu̱ Melkizedek sa barke yenda,

Yaqub 2:19

Ta maita no za Magham kaada. Nang mbari! Yang aa khu̱kheetiku wa maita nang, ndu̱ dlu̱rti vari.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Ɗyin mbu̱ tukari 12:12

Ku̱me nang shi ma kashari, tun mbu̱ viɗku ndu̱ wor nu̱ke a nje kharan mban kap! Yang larji ndu̱ ɗyim chitndi ku tun ɗye zhiyaye! Jiwa Nu̱ Mu̱narang a zhur nu̱ she nu, yang nyeedlan ndu̱ shokhnar ku̱me wa zu̱n nu̱ ɗyine sarchi ɓaran wa shi bing!”