Markus 3:5 - Mewar Alqawarang

⁵ Tu̱ Yesu nggu̱t wor mbe shokhna, memu̱naran su̱bu̱rtan ku̱me kaaku̱ɗakh ɗyin ɓaanda. Tu̱ ze nu̱ zurɗar khara za, “Shorɗo khaara gha.” Nu̱ shorɗaki, tu̱ kharanang shaana fan ndu̱ fan.

Markus 3:5 ပူးပေါင်းရင်းမြစ်များ

Matta 12:13

Tu̱ ze khuskyang za, “A shorɗo khaarang.” Nu̱ shorɗaki, fan ndu̱ fan tu̱ khaaranang shaana tu̱ kha wa dandang.

Markus 3:4

Tu̱ Yesu shi zhamndi ye wor a za, “Wa shipa shem ɗyi mbarkandi ye Fu̱ɗar Maasi mu yang ɗyi malkandi? Ɗana mi kya nyifi mu yang tlaghami nu̱ gha mu?” Tu̱ yang kha vaanda ku tu̱tu̱k.

Luka 13:15

Tu̱ Yesu tlogha ɓalarang yenda za, “Nu̱ mu̱narku! Ki chele ɓaanu ke nu̱ka kol aa kooro aa dle ghuti ɓaran nu̱gha ye maa gu̱ndan tu̱ ɗu̱ ndu̱ chin ma za ɗyim Fu̱ɗar Maasi ɓa?

Luka 17:14

Nu̱ Yesu naki wor tu̱ zu̱ za, “Ɗu̱ ma tun a wuɗ va nu ye kurukwang!” Nu̱ kya mbu̱ yir ku, tu̱ shaana ku mbe khaatang.

Luka 6:10

Tu̱ Yesu nggu̱t wor njang dong, kom tu̱ ze nu̱ zurɗar khara za, “A zoɓo khaara ya.” Nu̱ shorɗaki kharanang, tu̱ kharana shaana.

Yokhana 9:7

Tu̱ ze khuskyang za, “Ɗu to ɗa shiɓ yitorang nu̱gha mbu̱ Shaplangge Silwam.” (Mban za, “Ru̱kti”) Tu̱ khuskyang ɗu̱ tu̱ ɗa shiɓ yitanang nu̱gha, tu̱ ɗa gaɓ a na maari.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

2 Korintiyeku 3:14

Yang memu̱na wor kaaku̱ɗakh, ku̱me ma ɓar ye meeni ɗyi nggur a nje nu̱ka nggu̱tlki wor nar zhire nu̱ke a nje mbu̱ bu̱lar geema alqawarang sarchi nu̱ke a nggu̱tan ku. Nang wa wut nu̱ ɗyine ma ɓar ye meeni nu̱ ghar ɗyi nu̱ lu̱paki mbu̱ yitanang ɓar ɓa, ku̱me Masiya ɗyenda ka gharki lu̱parang ɓara.

Afiseku 4:18

Memu̱na wor zhum maɗyi mbu̱ zu̱ndi ɓaanda. Wa mbu̱ɗ nyifi nu̱ke Magham ka vu̱rki, ku̱me song zu̱ndi ndu̱ kaaku̱ɗakh ɗyin ɓaanda.

Afiseku 4:26

Mbu̱ memu̱na nu wa su̱bu̱ri, ku̱ njig nu tu̱ sa nu ma sola ɓa. Ku̱ fu̱ɗar nggu̱ɗ tu̱ na shokhna ɓa.

Afiseku 4:30

Ku̱r ma vaanu, ku̱ su̱bu̱r nu memu̱na Jiimbi shakhshakhndi ɓu̱ Magham nu̱gha ɓa, ku̱me chin ke saidu ɓu̱ Magham nu̱ke ka naki nu̱ si Fu̱ɗar wuri za tun ɓaran.

Yibraniyeku 3:10

Nang ke ɗyi nu̱ saki tang shi shokhnar ndu̱ ndukiku zaman naandang, tang zu̱ nga za, ‘A zhangndi nga gha ku mbu̱ memu̱na wor aakochi, nu̱ zu̱n njivku ɓang ɓa.’

Yibraniyeku 3:17

Magham shi shokhnarang ndu̱ nu̱ ki me sonyi ɗyinvat nda na? Ai, nang ke ba nduki nu̱ shiki solar ku, tu̱ nggu̱ɗ ku tu̱ mu̱ɗi mbu̱ gaarang ɓa goma?

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Ɗyin mbu̱ tukari 6:16

A qa dlengku ndu̱ ndogdiku a zu̱ran ye wor za, “A gu̱ɗama nu̱ ɗyine rem tun tuka rem gha ɓar me yiti njif nu̱ke kharan ɗyine zhakhɗyang, ndu̱ shokhnar ɓu̱ Ye gamndang.