Markus 2:8 - Mewar Alqawarang

⁸ Fan ndu̱ fan tu̱ Yesu zu̱n mbe jiimba ɗyi nu̱ke a kwaaran ku mbu̱ memu̱na wora, tu̱ yang ze wor za, “Nu̱m saki tun ki kwaari ku nang na?

Markus 2:8 ပူးပေါင်းရင်းမြစ်များ

Matta 12:15

Nu̱ Yesu daki mbu̱ ɗyi nu̱ke a nje, tu̱ njig ye maaranang tu̱ nduki khang mbu gaanje nda, tu̱ shaana wor mbe khaatiku ɓaanda kap.

Matta 16:7

Tu̱ yang shi ɓalarku chele ɓaanda a zu̱ran ku za, “Na a ve nu̱ke nyem a ɓa ndu̱ ɓurti toli ɓa.”

Matta 9:4

Nu̱ke Yesu wa zu̱n konyi ɓaandang, tu̱ ze wor za, “Nu̱m saki tun ki kwari malkandi mbu̱ memu̱na nu wanangang?

Markus 2:7

a zu̱ran ku za, “Shwat nu̱m saki tu̱ khuski nang ki poona ɓalar nanga? Ai wa ndu̱m Magham mbe ɓalar nu̱ shiki nang, mbu̱ Magham ɗyenda ɓa, ki ka ɗu̱maki yaapar solar ɓu̱ nduka?”

Markus 2:9

Nyi dukki ndu̱ ndolndola, ku̱ nduk ze nu̱ zurɗarang za wa yaapa solar ɓa yor mu? Yang ku̱ nduk zu̱ za ju to da ɗye qaandi ba to ɗu̱ va mu.

Markus 7:21

Ku̱me kwaari malkandi kap ka ɗa vi mbu̱ memu̱na nduku, wa laɓti nusu ndu̱ khusku bam bam. Khu̱rti ndu̱ khuski ndu̱ nokhzi ɓu̱rkandi, zawar ndu̱ muuru, tlaghar mu̱ti ndu̱ laɓti nusu bam bam.

Luka 24:38

Tu̱ Yesu ze wor za, “Tun a tu̱k sawar nu̱ma? Nu̱m saki tun ki kwaari zum zum mbu̱ memu̱na nwa na?

Luka 5:22

Yang nu̱ke Yesu zu̱nki kwaari ɓa nda, tu̱ ze wor za, “Nu̱m saki tun a pooni kwaari nangang,

Luka 6:8

Yang Yesu wa zu̱n kwaari ɓaanda kap, tu̱ Yesu ze nu̱ zurɗar khara za, “A ɓo to ching gha fan.” Tu̱ njifang ji tu̱ ching gha gume ndukyang.

Yokhana 21:17

Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Yokhana 6:64

Yang ɓeeni nduki a nje chele ɓaanu nu̱ke nu̱ maita ɓa.” Ku̱me gumapaali Yesu wa zu̱n nduki nu̱ke nu̱ maita ɓa, ndu̱ njif nu̱ke a ma vu̱rti nda ɓarang.

Tlu̱nar ɓu̱ Pudeku 5:3

Tu̱ Biturus ze nda za, “To Khananiya, nu̱m saki to njig Sheɗan tu̱ vi nu̱ mbu̱ memu̱na ro, to shi wollo ye Jiimbi shakhshakhndi, to tuka ɓeeni mu̱zhindi damang gha ye vaara na?

Tlu̱nar ɓu̱ Pudeku 8:22

Nggoɗu mbe tlu̱nar malkandi nang, to khuɗ Zhinkir gwaanji, bai ka ndu̱m ɗyi no tamanki memu̱narang yoro.

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.