Markus 13:9 - Mewar Alqawarang

⁹ Tun ku̱r vaanu, ku̱me kaa ɗu̱ ndu̱ tun gume kumari, ndu̱ gume maa tabar ɓaanda tu̱ shi dlabti ye nu. Kaa ɗu̱ ndu̱ tun gume gorkirku ɓaanda ndu̱ kujiku ɓaanda, ku̱me Nga, yang tun kaa gwa zalale tun zu̱ labar mbarkandang ye wora.

Markus 13:9 ပူးပေါင်းရင်းမြစ်များ

Matta 5:22

Yang nga zu̱ran ye nu, aaki shiki shokhnar nu̱ mu̱dlen ka kuma nda. Njif nu̱ qaki mu̱dlen nduk ‘Bamndi,’ ka ɗu̱ ndu̱ chin gume kumari, njif nu̱ qaki mu̱dlen za ‘Nggu̱bu̱ng’ shipakya giɗim ɓai.

Markus 1:44

“Aa da zu̱ na ɗyinang ye aaki ɓa, yang ɗu to ɗa wut va ye kurukwang, to vu̱r sadke nu̱ khar shakhshakh ba wa nu̱ annabi Musa zu̱kyang. To shi wanang ku̱me ku̱ nduki zu̱n nu̱ ɗyine ta shaana mbe khaatang.”

Markus 13:5

Tu̱ Yesu tlogha ye wor za, ku̱r ma vaanu, ku̱me ku̱ njif nggur lamba nu̱ ɓa.

Markus 13:8

Ghai kaa nggu̱ɗ nu̱ ve ghai ndu̱ dakhlari tu̱ kwaaɗa, nggu̱ɗ nu̱ ve kwaaɗa, kaa shi yakhtar ma vu̱ ghai ye maa ku zum zum, ka shi meeri ndu̱ damtarku zum zum, yang nang ke nggarsi bonyang.

Markus 6:11

Kap ye maa nu̱ zhangki dlu̱ronu tu̱ zhang tu̱k ɓalar ɓaanu gha, sarchi nu̱ke tun a ma viri ɓar mbu̱ ghayang, tun mba kalau mbu̱ saaronu nu̱ gha ma ku kha ma saidu ɗyine wora. Zhire ngaa zu̱ran ye nu, fu̱ɗar wuri, Sodom ndu̱ Gomora kaa duk ndu̱ gwa longguma ye ghai nang.”

Luka 9:5

Kap maa nu̱ nduk zhangki nu gha, mbu̱ tun a ma njig ghayang, tun mba kalau nu̱ ve saaronu nu̱ gha tu̱ kha ma saidu ɗyine wora.”

Yokhana 15:20

Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Tlu̱nar ɓu̱ Pudeku 21:11

Nu̱ Agabus a ɓa ki she rem tu̱ da ɗye gu̱ndi mbu̱ var ɓu̱ Bulus. Tu̱ gu̱n kharanku ndu̱ saaranku nu̱gha tu̱ zu̱ za, “Wonji ɗyi nu̱ Jiimbi shakhshakhndi zu̱ki. ‘Yakhudeku nu̱ Urshalima ka gu̱n nu̱ ɗye gu̱ndi mbu̱ var nang nu̱ gha wanang, ka vu̱r nda nu̱ mbu̱ khar nduki nu̱ke ɗya Yakhudeku ɓa.’ ”

Tlu̱nar ɓu̱ Pudeku 7:54

Nu̱ tu̱kki wanang ku, tu̱ memu̱na wor su̱bu̱r maɗyi, tu̱ ku̱t dliindi wora.

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Filipiyeku 1:29

Ku̱me mu̱nkir nu̱ shiki ye nwang, nu̱ shi ma ku̱ maita nu Masiya ɗyenda ɓa, shi ma ku̱ za nu bonye ku̱me chin tu̱k.

2 Tasalonikeku 1:5

Ɗyi nang kap a wutan za kumar ɓu̱ Magham ɗya kumar zhirekandi. Ma ku̱ gwa nu ku̱ shiga nu nu̱ mbu̱ nduki nu̱ke ka khaki nu̱ mbu̱ kwaaɗar ɓu̱ Magham. Ku̱me bonye nu̱ke tun a zaranang, tun a zaran ku̱me kwaaɗar ɓu̱ Magham.

2 Yokhana 1:8

Ku̱me nang ku̱r ma vaanu, ma ku̱ ɗyi nun tlu̱naki kha bam ɓa, me ɓu̱ nang tun gwa ɗye ɓi ɓaanu nyeedlan.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.