Luka 9:51 - Mewar Alqawarang

⁵¹ Nu̱ sarchi gaɓti ɓu̱ Yesu nu̱ viɗi shiki bing, tu̱ du̱ng ɗyinan ma yir Urshalima.

Luka 9:51 ပူးပေါင်းရင်းမြစ်များ

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Luka 12:50

Baptisme a nje nu̱ke nga buran, yang nga damtaran ɗyinan kope wa woɗa.

Luka 13:22

Nu̱ Yesu ku̱ski njiv ma yir Urshalima, tu̱ mbu mbu̱ ghaiku ndu̱ gureku a shogar ye nduki.

Luka 17:11

Nu̱ Yesu ku̱ski njiv ma yir Urshalima, tu̱ mbu ɗyin koɗokh nu̱ shakki chele ɓu̱ dlar ghai Samariya ndu̱ Galili.

Luka 18:31

Tu̱ ɗu̱ nu̱ wor gwaanggu̱m rapndang konggol, tu̱ yang ze wor za, “Chem a ma yir Urshalima yang ɗyi nu̱ annabikwang bu̱laki nu̱ ɗyine Yi ɓu̱ Nduk ka nyel kap.

Luka 19:11

A mbu̱ tu̱kti ɗyiku nang, tu̱ zu̱m guma ndu̱ zu̱ ku̱rti ɓalar ye wor ku̱me wa shi bing ndu̱ Urshalima ku, yang nduki a tamandan za kwaaɗar ɓu̱ Magham ka nggaasan fan ndu̱ fan.

Luka 19:28

Nu̱ Yesu du̱ngki su̱ ɓalar nang, tu̱ khan guma ma yir Urshalima,

Luka 24:51

A mbu̱ sa barke ye wor tu̱ shakh ndu̱ wora tu̱ da nda ma yir viɗi.

Luka 9:57

A mbu̱ yir ku tu̱ njif nggur ze Yesu za, “Ngga mburoro kap maa nu̱ke ta yir si.”

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 16:28

Nga vi she Zhinkirang, tang a vi nu̱ mbu̱ larji, yang leendang nga ma njig larji tang gaɓ nu̱ she Zhinkirang.”

Yokhana 16:5

“Yang leendang nga yir she njif nu̱ ɗa ru̱kki nga, yang kap ndu̱ nang nduk a nje nu̱ zhamki nga za, ‘Ta yir fu̱n kwa ɓa?’

Yokhana 17:11

Nga gaɓti nu̱ sho ro. Ngam ɓu̱ khan larji tu̱k ɓa, yang ɓaanda a nje ku mbu̱ larji dong. Zhinkir Shakhshakhndi bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya, ma ku̱ kha da ku, ba wa nu̱ke chem a su̱yen ndu̱ to.

Yokhana 6:62

Yang tun ka shi kikimndi mbu̱ tun wa na Yi ɓu̱ Nduku a dlar ma yir mbu̱ viɗi ye maa nu̱ ɗa viki si?

Tlu̱nar ɓu̱ Pudeku 1:2

ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

Tlu̱nar ɓu̱ Pudeku 1:9

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

Afiseku 1:20

nu̱ shiki tlu̱nar mbe Masiya sarchi nu̱ Magham jiiki ndu̱ chin ɓar mbe mu̱ti, tu̱ vu̱r maa khar yenda nu̱ zhaaji ɗyin bu̱nan nu̱ zu̱ma viɗi.

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 6:20

Yesu nu̱ kayaki rem viri nu̱ ve maa nang, vi ku̱me chem, tu̱ kha ma gorkir ɓu̱ kuruku nu̱ke lauɗa si su̱ ɓa, mbu̱ dulbu ɓu̱ Melkizedek.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.