Luka 9:41 - Mewar Alqawarang

⁴¹ Tu̱ Yesu zu̱ za, “Nduki galkandi nu̱ song maito, nu̱ qaandi virkir meeni, woɗye ngga du̱ng me kanaɗyi ndu̱ tun nu̱ fu̱na? A ɓo ndu̱ yi ɓara ya fan.”

Luka 9:41 ပူးပေါင်းရင်းမြစ်များ

Matta 11:28

“A ɓa ma sha kap ɓaanu, tun nu̱ke nun nggumki tun a bonye ndu̱ shipiti taɗakandi ku, ngga vu̱r maasi ye nu.

Matta 12:39

Tu̱ yang tlogha ye wor za, “Nduki nu̱ qaandi virkir meeni mu̱naranku nu̱ka sawa Magham ɓa. A shim na shipar ku, yang ɓu̱ wuɗ shipar nggur ye wor ɓa kope shipar ɓu̱ annabi Yunana.

Matta 12:45

kaa gaɓ tu̱ ɗa qa khu̱kheetiku nggur wor mut nu̱ dukki nda ndu̱ maatli, ku̱ ɗa ɓa ku tu̱ khan nje. Gana fan, khar viti ɓu̱ njifang ka duk nu̱ guma maatli. Nduki nu̱ qaandi virkir meeni ka ɓa kha maatlin ku ba wanang.”

Matta 16:4

Nduki nu̱ qaandi virkir meeni mu̱naranku, nu̱ka sawa Magham ku ɓa. A shim ɗye lazham nggur nu̱ke wor ka naki nu̱ si, yang ɓu̱ wuɗ aa nu̱m ye wor ma ku̱ nanda nu̱ si ɓa, kope ɗye lazham ɓu̱ Yunana.” Tu̱ yang njig wor tu̱ ɗu̱ varan.

Matta 17:17

Tu̱ Yesu tlogha za, “Tun nduki nu̱ qaandi virkir meeni, nu̱ song maito, ndu̱ kaaku̱ɗakh ɗyin, ngga kha su̱yen ndu̱ tun ma yir kochiya? Ngga du̱ng me kanaɗyi ndu̱ tun nu fu̱na? A ɓa ma ndu̱ woyang ya fan.”

Matta 23:36

Zhire nga zu̱ran ye nu, kap ɗyiku nang ka gwa nduki nu̱ qaandi virkir meeni.

Matta 3:7

Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Markus 10:14

Nu̱ Yesu naki wanang tu̱ shokhna maɗyi, tu̱ yang ze nu̱ mburindakwang za, “Njig ma qusonggi pichichindang ta ɓa sha, ku̱ nggu̱tl nu wor ɓa ku̱me kwaaɗar ɓu̱ Magham ɗya ɓu̱ pooni wora.

Markus 10:49

Tu̱ Yesu ching gha tu̱ zu̱ za, “A qama nda ya.” Tu̱ qa pugumang ku tu̱ ze nda ku za, “Qon khankal ɓaa gha, to ji nu̱ viɗi ku̱me wa zu̱ za aa ɓa na.”

Markus 9:19

Tu̱ Yesu tlogha yenda za, “Ai tun nduki nu̱ qaandi virkir song maito ku, ngga du̱ng me khar ndu̱ tun kochiya? Ngga du̱ng me kaɗanyi ndu̱ tun nu̱ fu̱na? A ɓa ma ndu̱ woyang ya.”

Luka 8:25

Tu̱ zham Pudekwang za, “A fu̱n maito ɓaanwang ɗo?” Yang tu̱ sawar ku̱s wora a lazhamku, tu̱ ki anya zu̱ran ye yenku za, “Woɗye nang ɗya ki shwoɗa, nu̱ke khu̱kheeti ndu̱ ɗyim nu̱ke a shokhnar a tu̱k su̱quranang na?”

Luka 9:40

Ngaa khuɗ nu̱ mburoku ku̱ fed wor ɓar mbe woyang yang wa ku̱na wora.”

Luka 9:42

Sarchi nu̱ke woyang a ɓari, tu̱ khu̱kheetang ghwaɗ nda nu̱ yaghai varan a dlu̱rti maɗyi, tu̱ yang Yesu wu khu̱kheeti malkandang tu̱ woyang shaana, tu̱ yang Yesu gaɓ ndu̱ woyang ye zhin.

Yokhana 14:9

Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 20:27

Kom tu̱ ze Toma za, “A so ye kha nu̱ fan, no kharaku. A zoɓo khaaro to san ve ku̱bda, ku̱ memu̱na kha rap rap ɓa, to maita.”

Tlu̱nar ɓu̱ Pudeku 13:18

Tu̱ da kaɗanyi nu̱ ɗye shir ɓaanda me sonyi ɗyin vat mbu̱ gaarang.

Tlu̱nar ɓu̱ Pudeku 2:40

Tu̱ dut dlu̱mndi wor ndu̱ ɓalarku khang, tu̱ khuɗ wor tu̱k za, “Ɗana ma vaanu mbe nduki nu̱ tlu̱nar malkandi ku nu̱ qaandi virkir meeni.”

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

Yibraniyeku 3:19

Ku̱me nang chem wa na nu̱ ɗyine song maito saki nu̱ ɗu̱ma viri nu̱ mbu̱ maasi nang ku ɓa.

Yibraniyeku 4:11

Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.