Luka 9:20 - Mewar Alqawarang

²⁰ Tu̱ Yesu gaɓ tu̱ ze wor za, “Yang ɓaanu ɗa, tun a zu̱ran za nga kiya?” Tu̱ Biturus tlogha za, “To ke Masiya ɓu̱ Magham.”

Luka 9:20 ပူးပေါင်းရင်းမြစ်များ

Matta 22:42

“Nu̱m ke kwaari ɓaanu ɗyine Masiya? Ɗya woi ɓu̱ kiya?” Tu̱ ze nda ku za, “Yi ɓu̱ Dauda.”

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 5:47

Mbu̱ tun ka shi kya qaandi ye nyeezonu ɗyenda tun duk ɓeena ndukyang ve nu̱ma? Aa nduki nu̱ke ɗya Yakhude ku ɓa wa ka shi wanang.

Markus 14:61

Tu̱ yang Yesu kha varan gha yit, nu̱ tlogha aa nu̱m yenda ɓa. Tu̱ gorkir ɓu̱ kurukwang gaɓ tu̱ zham nda za, “Woɗye to ke Masiya Yi ɓu̱ nu̱ barkya mu?”

Markus 8:29

Tu̱ yang zham wor za, “Yang ɓaanu tun a zu̱ran za nga kiya?” Tu̱ Biturus tlogha yenda za, “To ke Masiya Kuji Gwaanji Datkandi.”

Luka 22:67

Tu̱ zham nda ku za, “Zu̱ yerem to ke Masiya kuji datkandi ɓu̱ Magham mu?” Tu̱ Yesu tlogha ye wor za, “Aa nga tlogha ye nu nga za, I, tun ɓu̱ maita nga ɓa.

Luka 9:19

Tu̱ nu̱ mburi nda kwang tlogha za, “Ndukyang zu̱ran za to ke Yokhana nu̱ baptisma, ɓeenan za to ke annabi Iliya, ɓeenan za to da chele annabiku ɓu̱ Magham nu̱ zhu jiiki mbe mu̱ti.”

Yokhana 1:41

Tu̱ Andu̱rawus gwa Siman dong nu̱ke ɗya khachin, tu̱ ze nda za, “Chem wa gwa Masiya” (mban za datkandi ɓu̱ Magham).

Yokhana 1:49

Tu̱ Nataniyel ze Yesu za, “Maalu̱m, to ke Yi ɓu̱ Magham; to ke Kuji ɓu̱ Israila.”

Yokhana 11:27

Tu̱ Marta tlogha za, “I, Zhinerem gwaanji, nga maita to ke Masiya yi ɓu̱ Magham nu̱ke a ɓar larji.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 4:29

“A ɓa ma tun na khuski ngguri nu̱ zu̱ki kap ɗyi nang shiki ya! Chin ke Masiya ɗo mu?”

Yokhana 4:42

Tu̱ nduki Samariya ze nokhzang za, “Nyem maita ku̱me ɗyi no zu̱ki ɗyenda ɓa, leendang chem wa tu̱k nu̱ vaarem, yang chem wa maita tu̱k nu̱ ɗyine shwat khuski nang ɗya Nu̱ ɗanar larji yel.”

Yokhana 7:41

Tu̱ ɓeeni ndukyang zu̱ za, “Ɗya Masiya.” Yang ɓeenan za, “Woɗye Masiya ka ɗa vi Galili mu?”

Tlu̱nar ɓu̱ Pudeku 17:3

A zu̱ mban ye wora, a wutan ye wor za wa ku̱s ku̱ Masiya za bonye shwat tu̱ ji mbe mu̱ti tu̱k. Tu̱ Bulus zu̱ tu̱k za, “Chin Yesu nu̱ke nga ɓalar ɓaran ye nu nang, chin ke Masiya.”

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Tlu̱nar ɓu̱ Pudeku 9:22

Yang kap ndu̱ nang tu̱ Shawulu shaata gwar du̱mbu̱ri, a za ɗyin Yakhudeku nu̱ke a Damaskus, a wutan ye wor ye dalangi za Yesu ke Masiya.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.