Luka 9:12 - Mewar Alqawarang

¹² Nu̱ mugdi shiki lu̱s, tu̱ pudeku gwaanggu̱m rapndang a ɓa she Yesu. Tu̱ zu̱ yenda ku za, “Njig tabar ndukikwang ku̱ ɗu̱ ku mbu̱ damku ndu̱ ghaiku nu̱ke a bing ku̱me ku̱ gwa ɗye zu̱mndi ndu̱ ye maa qaandi me ku̱ virkir shi ku̱me ɗye zu̱m nje khaarem mbu̱ gaari nang ɓa.”

Luka 9:12 ပူးပေါင်းရင်းမြစ်များ

Matta 14:13

Nu̱ Yesu tu̱kki wanang, tu̱ ji tu̱ vi varan nu̱ mbu̱ du̱mbu̱l ɗyimang, tu̱ dlan dam ye maa nu̱ke aaki nje ɓa, ma ku̱ ɗa khanji varan gha chin ɗyenda. Yang nu̱ tabar ndukyang tu̱kki wanang, ta vi ku mbu̱ ghai zu̱m zu̱m tu̱ mbu gaanje nda ku ndu̱ sar.

Matta 15:23

Yang Yesu nu̱ zu̱ aa nu̱m yenda ɓa. Tu̱ nu̱ mburi nda kwang a ɓa tu̱ khuti nda ku za, “Kombo nda ɓara! Ku̱me a mburerem a damta remi ndu̱ zhaano!”

Matta 15:32

Tu̱ Yesu qa nu̱ mburindakwang nu̱ she nda tu̱ zu̱ za, “Nga na zhiyaye ɓu̱ nduki nang ku̱me meeni qaandi kunung a su̱yen ndu̱ nga, yang ɗye zu̱m nje kha wor ɓa. Nang shim shi nga khar mu̱ndi ye wor ndu̱ meeri na ɓa, ku̱me bai ka mugan ku yiti njivi.”

Luka 9:11

Nu̱ tabar ndukikwang tu̱kki maa nu̱ ɗu̱ki ku si, tu̱ mbu wor ku, tu̱ Yesu gaɗa wor kom tu̱ shi ɓalar ye wor ɗyine kwaaɗar ɓu̱ Magham tu̱ shaana nduki nu̱ shimki ku̱ shaana wora.

Luka 9:13

Tu̱ yang Yesu ze wor za, “Ɓaanu vu̱r ma ɗye zu̱mndi ye wor ɓa.” Tu̱ pudekwang tlogha za, “Chem ka ɗu̱ma zu̱m ndu̱ tabar ndukiku nang kikimnda? Ɗya ba ɓurti tolir qurmun ndu̱ yurvi rap kya khaarem. Buka ɗyem chem a masa ɗye zu̱mndi ye ndukiku nang kap.”

Yokhana 6:1

Gaanje nu̱ shoɓki koɗom tu̱ Yesu dla ɗyim chitndi nu̱ Galili, nang ke ɗyim chitndi nu̱ Tiberiya.

Filipiyeku 1:19

ku̱me nga zu̱n bararku ɓaanu ndu̱ shaatar ɓu̱ Jiimbi ɓu̱ Yesu Masiya, ka ngga nga gha ku ye lauɗar san.