Luka 8:18 - Mewar Alqawarang

¹⁸ Ku̱me wanang, ku̱r ma vaanu ndu̱ dar mbu̱ ɗyi nu̱ke tun a tu̱ktan, ku̱me aaki tu̱kki shogar ɓang su̱yen ndu̱ dar mban, ka shaata dar mban yenda nu̱ si. Yang njif nu̱ke nu̱ shim tu̱ktan ma da nda mban ɓa, aa ɗyi nu̱ tamanki chin wa zu̱nang ka ɓa dlu̱ ɓar kha nda.”

Luka 8:18 ပူးပေါင်းရင်းမြစ်များ

Matta 13:12

Ku̱me njif nu̱ke tun kha nda, ka shaata yenda nu̱ si tu̱ gama nda maɗyi, yang njif nu̱ke aa nu̱m khanda ɓa, aa ɗyi koɗommandi nu̱ke a kha ndang ka dlu̱ ɓara.

Matta 25:29

Ku̱me kap njif nu̱ke tun kha nda, ka shaata yenda nu̱ si, tu̱ gwansi khang. Njif nu̱ke tun kha nda ɓa aa ɗyi koɗommandi nu̱ke a khanda ka lawa ɓara.

Markus 13:14

Yang mbu̱ tun wa na tlu̱nar malkandi nu̱ke ɗya ɗye zhaane nu̱ka ɓa ki ndu̱ gu̱ɗari, chingndan ye maa nu̱ke nu̱ shipa ɓa, (nu̱ nggu̱ti ye chiti nang ku̱ da mban). Njif nu̱ke a Yakhudiya ku̱ ɗan mbu̱ dlengkwang.

Luka 19:26

“Tu̱ yang tlogha ye wor za, ‘Nga zu̱ran ye nu, kap njif nu̱ke tun a nje kha nda, ka shaata yenda nu̱ si, yang njif nu̱ke aa nu̱m kha nda ɓa, aa ɗyi nu̱ke a kha ndang, ka dlu̱ ɓara.

Luka 9:44

“Ngga ma dlu̱mndonu tun tu̱k ɗyi nu̱ke nga ma zu̱ran ye nu. Ka vu̱r Yi ɓu̱ nduk ɓar nu̱ mbu̱ khar nduki.”

Yokhana 15:2

Aa nyi me bu̱n qu̱far nu̱ke nu̱ kha woi mbya ɓa, ka ku̱rta nu̱ gha. Aa nyi bu̱n nu̱ khaki woi, ka shaata kwaɗa nda nu̱ gha ma ku̱ shaata khar woi.

Tlu̱nar ɓu̱ Pudeku 10:33

Nang ke ɗyi nu̱ saki tang ru̱k nu̱ sho ɗau, yang wa shi mbar nu̱ke ta ɓa. Yang leendang wonji rem gume Magham ma tu̱k mi ɗyi nu̱ke zu̱ki za zu̱na yerem.”

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

1 Korintiyeku 14:37

Mbu̱ njif nggur a nje nu̱ tamanki za chin annabi, aa taman za vu̱rti ɓu̱ Jiimbi nggur a nje kha nda, ku̱ zu̱n nu̱ ɗyine, ɗyi nang bu̱laki ye nu nang ɗya ɗyi nu̱ Zhinerem gwaanji zu̱ki ya.

1 Korintiyeku 3:18

Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

1 Korintiyeku 8:2

Kap njif nu̱ tamanki za chin wa zu̱n aa nu̱m, nu̱ zu̱n ɗyi nu̱ shipaki ku̱ zu̱n nji dong ɓa.

Filipiyeku 3:4

Aa nu̱ke ngga ɗu̱ma dla vara nu̱ ve tlu̱nar ɗyin mbu̱ manva, mbu̱ ngga shi. Mbu̱ nduk a nje nu̱ke a tamandan za tun kha nda nu̱ke chin ka ɗu̱ma dla varan nu̱ ve tlu̱nar ɗyin mbu̱ man va, ku̱ zu̱n nu̱ ɗyine nga dukti nda ve nang.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.