Luka 8:13 - Mewar Alqawarang

¹³ Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.

Luka 8:13 ပူးပေါင်းရင်းမြစ်များ

Markus 6:20

Ku̱me Khiridus a sawa Yokhana nu̱ke wa zu̱n za Yokhana ɗya nu̱ jeembu, khar viti ɓaran Shakhshakh, nang ke ɗyi nu̱ saki tu̱ Khiridus khuɓ Yokhana mbari. Wa ka damta maɗyi maɗyi mbu̱ Yokhana ɓalar yenda, yang wa ka tu̱k mu̱ndi ɓalar ɓaran tu̱k ba.

Luka 8:12

Wor nu̱ ku̱ɗbaki nu̱ me njivang, wa kha ba wa nduki nu̱ tu̱kki ɓalar ɓu̱ Magham, yang tu̱ sheɗan a ɓa tu̱ lawa ɓar ve memu̱na wora ku̱me ku̱ maita ku ku̱ ɗana ku ɓa.

Luka 8:14

Pooni nu̱ ku̱ɗbaki nu̱ ɓere njekhtikwang a khar wa nduki nu̱ tu̱kki, yang qan tu̱ ji kwaari ɗyin larji ndu̱ kaalar gu̱na, ndu̱ shimndi tu̱kti mu̱ndi larji tu̱ nggu̱tl wor shir ɗyi mbarkandi.

Yokhana 15:2

Aa nyi me bu̱n qu̱far nu̱ke nu̱ kha woi mbya ɓa, ka ku̱rta nu̱ gha. Aa nyi bu̱n nu̱ khaki woi, ka shaata kwaɗa nda nu̱ gha ma ku̱ shaata khar woi.

Yokhana 15:6

Kap njif nu̱ke nu̱ khan mbya ɓa, a shipa bu̱n qu̱far nu̱ ɗatlki tu̱ mbuk gha tu̱ ghwari. Nduki ka taba poonan tu̱ gu̱n ɓai nu̱ si, tu̱ va wor nu̱ gha.

Yokhana 5:35

Yokhana ɗya yarang nu̱ke a wuti, yang tun wa dat kasha nu yarang ɓaranang me sarchi koɗomma.

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.

1 Korintiyeku 15:2

Tun gwa ɗanar ku̱men, mbu̱ tun wa khuɓ ɓalar nang zu̱ki ye nu mbari, mbu̱ wanang ɓa maito ɓaanu wa kha bam.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 3:4

Yang leendang bonyeku zum zumndi nun zaki nang ku̱ kha bam mu? Tun a na wa ɗyen ka shi?

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 2:7

Shi ma dlu̱dlarsi mbe nda tun ku̱s tun du̱ng khar viti ɓaanu nu̱ ɗyine nda, tun shi du̱mbu̱r nu̱ si mbu̱ maito ɓaanu, ba wa nyem shogaki ye nu, tun a kuna nda aa nyi sarchi.

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

Yibraniyeku 10:39

Yang ɓaarem chem a mbu̱ nduki nu̱ ka gaɓki nu̱ gana ma ku̱ su̱ya ɓa, ɓaarem chem a mbu̱ nduki nu̱ka maitaki tu̱ gwa ɗanari.

Yaqub 2:26

Ku̱me nang ba wa nu̱ke man var nduk nu̱ke nyifi su̱ ɓa mu̱tan, wanang tu̱k maito nu̱ke tlu̱na su̱ ɓa mu̱tan.

2 Bitu̱rus 2:20

Mbu̱ nduk wa zu̱n nu̱ ɗyine Zhinerem gwaanji Yesu Masiya ke nu̱ ɗana rem, tu̱ lawa mbe ɗye shir malkandi nu̱ larji nu̱ka saki tu̱ nduk gal gha. Tu̱ yang gaɓ nu̱ mbu̱ pooni ɗye shir malkandi ku nang qu̱rsan, tu̱ ɗyen duk du̱mbu̱r ɓaran, khar viti ɓu̱ njif nang ka duk nu̱ gumapaali maatli maɗyi.

2 Bitu̱rus 2:22

Ai, ɗyi nu̱ shiki ku nang wa shi torop ndu̱ nggar mbu̱ ɓalar nu̱ zu̱ki za, “Yiɗi wa shi vu̱nakhti tu̱ yang gaɓ tu̱ ghu̱ɓ vu̱nakhtang ɓara.” Kom ndu̱ nggar mbu̱ ɓalar nu̱ zu̱ki za, “Alede nu̱ shiki wurti yenda wa gaɓ tu̱ bu̱mbu̱lan mbu̱ gu̱gu̱pang.”

1 Yokhana 2:19

Vi ɓar chele ɓaarem ku ku̱me zhireni ɗya ɓaarem ku ɓa. Meeni mbu̱ za ɗya ɓaarem ku tu̱ga wa kha gha ku su̱yen ndu̱ chemi, Yang yir vaandang wa wut nu̱ ɗyine ɗya ɓaarem ku ɓa.

Yakhuda 1:12

Ndukiku nang ɗya nu̱ su̱bu̱rtiku, khar nu̱ke a shiran ku mbu̱ tabar bar zu̱mndi nu̱ ndolar ɓaanu, a zu̱mndi ku kawa su̱ ɓa. Wa kha ku ba wa nu̱ khutlo ku nu̱ka zu̱mki ndu̱ ɗyin wor ɗyenda tu̱ njig ndu̱ɓangku ɓaanda, wa kha ku wa sar maari nu̱ke nu̱ka shi roma ɓa, khu̱kheeti wa ka komba ɓara. A khar wa qu̱farku nu̱ke nu̱ka kha woi ye zhur maari ɓa, ɗya qu̱farku nu̱ ɓu̱ɗki nu̱ gha, wa mu̱t ku guma da.