Luka 8:10 - Mewar Alqawarang

¹⁰ Tu̱ ze wor za, “Tun nang wa vu̱r zalale ye nu ma zu̱n nu ɗyiku nu̱ke tukakandi mbu̱ kwaaɗar ɓu̱ Magham. Yang ɓu̱ ɓeena nduki, buka ku̱ wuɗ ye wor mbe ku̱rti ɓala ku̱me, ‘Aa wa nggu̱t ku ɓu̱ na ɗyen ɓa, yang aa wa tu̱k ɗyen ku tu̱k am ɓu̱ da mban ku ɓa.’

Luka 8:10 ပူးပေါင်းရင်းမြစ်များ

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Markus 4:11

Tu̱ tlogha ye wor za, wa vu̱r zalale zu̱ndi ɗyi nu̱ke a mbu̱ tuka mbe kwaaɗar ɓu̱ Magham ye nu, yang ɓu̱ nduki nu̱ke a dam ka ze wor mbu̱ ku̱rti ɓala.

Markus 4:12

Ku̱me, “Aa wa nggu̱t ku, ɓu̱ na ɓa, aa wa tu̱k ku, ɓu̱ da mban ɓa. Ku̱me ku̱ nggoɗku ma gwa yaapar solar ɓaanda ɓa.”

Yokhana 12:40

“Wa gaɓ ndu̱ wor ma pugumku, tu̱ sa memu̱na wor tu̱ shi kaaku̱ɗakh. Ma ku̱ na ndu̱ yiti wor ɓa, ku̱ da mban ndu̱ memu̱na wor, ma ku̱ ɗa gaɓ ku nu̱ sha tang shaana wor nu̱gha ɓa.”

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 12:11

Ɗyiku nang kap ɗya Jiimbi nang ɗyenda kya shiran, chin shakki ye aaki wa nu̱ shimki.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.