Luka 7:47 - Mewar Alqawarang

⁴⁷ Ku̱me nang nga zu̱ran yoro, wa yaapa solar khangndi nu̱ shikya yenda, nang ke ɗyi nu̱ saki tu̱ wuɗ ndolar maɗyikandi.”

Luka 7:47 ပူးပေါင်းရင်းမြစ်များ

Matta 10:37

“Aaki ndolaki aa man aa zhin tu̱ dukti nga, nu̱ khu̱l ma ku̱ kha ma ɓang ɓa, yang tu̱k, aaki ndolaki aa woi ɓaran ye khusku aa woi ɓaran ye nusu tu̱ dukti nga, nu̱ khu̱l ma ku̱ kha ma ɓang ɓa.

Luka 7:39

Nu̱ Parisyang naki ɗyi nu̱ke nokhzang a shiran ye Yesu, tu̱ shi kwaari mbu̱ memu̱naran za, “Mbu̱ njif nang ɗya annabi ɓu̱ Magham, tu̱k wa zu̱n pooni nokhzi nu̱ke a su̱ɓa nda nang ku̱me ɗya nu̱ sola.”

Luka 7:46

No pasha mor ye ɗyina ɓa, yang nokhzi nang wa pu mor nu̱ zhaaji ye saara.

Luka 7:48

Tu̱ Yesu ze nokhzang za, “Wa yaapa solar ɓa yoro.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

2 Korintiyeku 5:14

Jiwa ndolar ɓu̱ Masiya rosaki rem tu̱ sa chem maita nu̱ ɗyine nduk da wa mu̱t ku̱me nduk kap, ku̱me nang aaki wa mu̱t tu̱k.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

Filipiyeku 1:9

Nga barar ku̱ Magham sa tu̱ ndolar ɓaanu ndu̱ zu̱ndi Magham nun shiki ndu̱ dar mbu̱ aa nyi tun shaata tu̱ duk wanang.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 4:19

Chem a wut ndola ku̱me Magham nggaki su̱ wut ndola yerem.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,