Luka 7:34 - Mewar Alqawarang

³⁴ Yi ɓu̱ nduk a ɓa a zu̱mndi a zari nun za kaa shi zu̱m ndu̱ za maɗyi, nun za, ‘Ɗya rapti nu̱ dlu̱r zhaanggalku ndu̱ nu̱ solarku.’

Luka 7:34 ပူးပေါင်းရင်းမြစ်များ

Matta 11:19

Nu̱ Yi ɓu̱ nduk a ɓa ki a zu̱mndi ndu̱ zari, tu̱ gaɓ tu̱k za, ‘Na ma nda nu̱ khape zu̱mndi ndu̱ raptikir ɓu̱ nu̱ dlu̱r zhaanggal ku ndu̱ nu̱ “Solar ku.” ’ Yang kap ndu̱ nang, nduk ka na kaɗari ɓu̱ Magham mbe tlu̱nar ɓaran.”

Matta 5:46

Mbu̱ tun a ndola kya nu̱ ndolar nu ɗyenda, tun ka gwa ɗye ɓiira fu̱na? Aa nu̱ dlu̱r zhaanggalku wa ka shi ba wa nun ka shikyang.

Matta 9:11

Nu̱ Parisekwang naki wanangang, tu̱ ze nu̱ mburi nda kwang za, “Nu̱m saki tu̱ Maalu̱m ɓaanu ki zu̱m ɗye zu̱mndi ndu̱ nu̱ dlu̱r zhaanggalku ndu̱ nu̱ solarkwang na?”

Luka 11:37

Nu̱ Yesu woɗaki ɓalarang, tu̱ Parise nggur qa nda ma zu̱m ɗye zu̱mndi. Tu̱ Yesu ɗu̱ ta kha gha ye maa zu̱mndi ɗye zu̱mndang.

Luka 14:1

Fu̱ɗar Maasi ɓu̱ Yakhudeku, tu̱ Yesu vi nu̱ mbu̱ rafti ɓu̱ da chele gorkirku ɓu̱ Pariseku ma zu̱m ɗye zu̱mndi. Tu̱ yang ndukyang sa yiti yenda.

Luka 15:2

Yang tu̱ Parisekwang su̱yen ndu̱ Maalu̱m Taurete ku, tu̱ ku̱s ba ruru mbu̱ memu̱na wor za, “Nggu̱t njif nang wa gonta ɗyinan ndu̱ nu̱ solar ku kap ndu̱ zu̱mndi ɗye zu̱mndi ndu̱ wora.”

Luka 19:7

Yang nu̱ ndukyang kap naki wanang, tu̱ nggaasi ruru ku a zu̱ran za, “Yesu wa zhur nu̱ kaa ɓu̱ nu̱ solar nang.”

Luka 5:29

Tu̱ Lawi ngga zu̱mndi gwaanji ye Yesu nu̱ she nda kaari, su̱yen ndu̱ nu̱ dlu̱ zhaanggal ku khang ndu̱ ɓeena nduki tu̱ ku̱s zu̱m ɗye zu̱mnda ku su̱yen ndu̱ wora.

Luka 7:33

“Ku̱me Yokhana nu̱ baptisma nu̱ka zu̱m ɗye zu̱m ɓa, yang nu̱ka za ɗyema ɓa, ku̱me kaa shi zhumti maɗyi, yang tun sa dlu̱m yenda nun za, ‘Ɗya nu̱ khu̱kheet.’

Luka 7:35

Kap ndu̱ nang, nduk ka na kaɗari ɓu̱ Magham mbe khar viti ɓu̱ nduki nu̱ mbuki nda.”

Luka 7:36

Tu̱ Parise nggur qa Yesu ma zu̱m ɗye zu̱mndi kaari she nda, tu̱ Yesu vi ta kha gha ma zu̱m ɗye zu̱mndang.

Yokhana 12:2

Tu̱ shi ɗye zu̱mndi nu̱ virkir yenda nje, yang Marta shakki ɗye zu̱mndang, Liazaru a nje chele nduki nu̱ zu̱mki ɗye zu̱mnda ndu̱ Yeswang.

Yokhana 2:2

Yesu ndu̱ nu̱ mburindakwang wa ɗu̱ ku nje tu̱k ku̱me wa qa wor ma ɓu̱rtang.