Luka 6:47 - Mewar Alqawarang

⁴⁷ Tu̱k ma ɗyi nu̱ njif nu̱ka tu̱kki ɓalar ɓang tu̱ka khutlo ɓalarang shipaki.

Luka 6:47 ပူးပေါင်းရင်းမြစ်များ

Matta 12:50

Ku̱me kap njif nu̱ shiki ɗyi nu̱ke Zhinkir ɓang nu̱ mbu̱ viɗi a shimndan, chin ke khata aa khusku aa nusu, ndu̱ mankir ɓang tu̱k.”

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Luka 14:26

“Kap njif nu̱ ɗa ɓa ki sha, yang nu̱ ndola nga tu̱ duk zhin ndu̱ man, ndu̱ nokhzan, ndu̱ qusonggi ɓaran ndu̱ khachinkirku ɓaran ɓa ndu̱ aa nyifi ɓaran ɓa, ɓu̱ kha ma nu̱ mbuuri nga ɓa.

Luka 6:48

Njif nang wa shipa njif nu̱ du̱nki kib ɓaran tu̱ sa saari du̱ndang nu̱ ɗyin tandal du̱mbu̱rkandi. Nu̱ romndi shiki, tu̱ zoɗar a ɓa, tu̱ ɗyimang nyel nu̱ sa kibang a tu̱paran, yang kibang nu̱ gu̱ɗa ɓa ku̱me du̱ndan ɗyin tandal.

Luka 8:13

Wor nu̱ ku̱ɗbaki nu̱ ɗyine tandalang wa kha ba wa nduki nu̱ tu̱kki ɓalar ɓu̱ Magham tu̱ dlu̱ ku ndu̱ kashari, yang nu̱ gwa ku̱ shi dlu̱dlarsi mbarkandi nu̱ ve memu̱na wor ɓa. Maitwang ba nu̱ me sarchi koɗomma, yang nu̱ gwaki bonyeku tu̱ wos maito ɓaanda gha.

Luka 8:8

Ɓeenan tu̱ ku̱dban mbu̱ ghai mbarkandi tu̱ gorku, tu̱ nja woi mbar maɗyi, nggu̱shakhɗu̱m, won won mbu̱ yen.” Nu̱ Yesu woɗaki vu̱r labarang tu̱ da su̱quran nu̱ viɗi tu̱ ze wor za, “Kap njif nu̱ dar mbu̱ ɓala, dlu̱mndan wa tu̱ki.”

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 13:17

Nu̱ke tun wa zu̱n ɗyi ku nang leendang tun ka shi barka mbu̱ tun wa tlu̱na.

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 5:40

Yang kap ndu̱ nang tun wa zhang ɓar sha gha ma gwa nu nyifiri.

Yokhana 6:35

Tu̱ Yesu tlogha ye wor za, “Nga ke ɗye zu̱mndi nu̱ka vu̱rki nyifi, njif nu̱ ɗa ɓa ki sha ɓu̱ tu̱k meeri gana fan ɓa, yang tu̱k njif nu̱ maitaki nga sar da ɓu̱ tu̱k khuzhum ɓa.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 8:52

Tu̱ Yakhudekwang ze nda za, “Uughu! Leendang chem wa zu̱n nu̱ke ta su̱yen ndu̱ khu̱kheet shwat. Ai, Yibram ndu̱ annabikwang kap wa mu̱ɗ ku, yang no za, ‘Kap njif nu̱ khutloki shogar ɓang ɓu̱ mu̱ɗ shwat ɓa.’

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yaqub 4:17

Ku̱me nang aaki zu̱nki ɗyi nu̱ shipaki ku̱ shi tu̱ yang zhang shiran gha, wa kha ma sola she nda.

1 Biturus 2:4

Wa nu na ɓa ki she nda ndogdi nu̱ nyifiri nu̱ nduki zhangki gha, yang Magham wa daato nu tu̱ vu̱r zhaaji ye nu.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:7

Tun qusonggi ɓang nu̱ke nga ndolaran, ku̱ aaki lamba nu ɓa. Nu̱ shir zhire ɗya nu̱ dambi ba wa nu̱ke Masiya ɗya nu̱ dambi.

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.