Luka 6:27 - Mewar Alqawarang

²⁷ “Tun nu̱ tu̱kti ɓalar ɓanga tu̱k ma, ndolama nu̱ zhangndi ɓaanu, shi ma mbarkir ye nduki nu̱ke a zhangndonu,

Luka 6:27 ပူးပေါင်းရင်းမြစ်များ

Markus 4:24

Tu̱ ze wor tu̱k za, “Gwa ma dlu̱mndonu ye ɗyi nu̱ke tun a tu̱ktan. Du̱ɓ zhiiri no zhiki si, ka gaɓ tu̱ shaata yor nu̱ ɗyinan tu̱k.

Luka 23:34

Tu̱ Yesu zu̱ za, “Zhinkiri ndu̱m solar nang ye wora ku̱me nu̱ zu̱n ɗyi nu̱ke a shiran ku ɓa.” Tu̱ yang shakh luktiku ɓaran nu̱ chele ɓaanda ku̱n she nggar daati ge tombol.

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Luka 8:18

Ku̱me wanang, ku̱r ma vaanu ndu̱ dar mbu̱ ɗyi nu̱ke tun a tu̱ktan, ku̱me aaki tu̱kki shogar ɓang su̱yen ndu̱ dar mban, ka shaata dar mban yenda nu̱ si. Yang njif nu̱ke nu̱ shim tu̱ktan ma da nda mban ɓa, aa ɗyi nu̱ tamanki chin wa zu̱nang ka ɓa dlu̱ ɓar kha nda.”

Luka 8:8

Ɓeenan tu̱ ku̱dban mbu̱ ghai mbarkandi tu̱ gorku, tu̱ nja woi mbar maɗyi, nggu̱shakhɗu̱m, won won mbu̱ yen.” Nu̱ Yesu woɗaki vu̱r labarang tu̱ da su̱quran nu̱ viɗi tu̱ ze wor za, “Kap njif nu̱ dar mbu̱ ɓala, dlu̱mndan wa tu̱ki.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 16:28

Tu̱ Bulus da su̱quran nu̱ viɗi tu̱ zu̱ za, “Ruɓana va nu̱ gha bam ɓa! Chem a nje kap ɓaarem!”

Tlu̱nar ɓu̱ Pudeku 7:60

Tu̱ kurum gha tu̱ da su̱quran nu̱ viɗi tu̱ zu̱ za, “Magham, shi na tun ye wor ku̱me solar nu̱ shiki kunang ɓa.” Nu̱ zu̱ki wanang tu̱ mu̱ɗi.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.