Luka 6:23 - Mewar Alqawarang

²³ “Shi ma kashar maɗyikandi ye fu̱ɗaran tun shi zhakhzhakh ku̱me ɗye ɓi gwaanji a buro nu viɗi. Mbu̱ tun wa koori, zhikankirku ɓaanda shi wanang ku ye Annabiku nu̱ zhu.

Luka 6:23 ပူးပေါင်းရင်းမြစ်များ

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Luka 1:41

Yang ba nu̱ Elizabet tu̱kki su̱qur gappu̱re ɓu̱ Maryamang, tu̱ woyang shi qushumndi mbe nda, tu̱ Jiimbi shakhshakhndi nyel nda.

Luka 1:44

Nggu̱t ɓa, ba nang tu̱kki su̱qura gappu̱re ɓaaro, tu̱ woyang nu̱ke a mbyang shi qushumndi a kashari.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Tlu̱nar ɓu̱ Pudeku 14:10

tu̱ da su̱quran nu̱ viɗi tu̱ zu̱ za, “Ju to ching gha nu̱ mbu̱ saaroro.” Tu̱ khuskyang ku̱m ji tu̱ nggaasi yiri.

Tlu̱nar ɓu̱ Pudeku 3:8

Tu̱ ji burut tu̱ ching gha, tu̱ nggaasi yiri. Tu̱ vi su̱yen ndu̱ wor nu̱ mbu̱ rafti ɓu̱ Maghamang a yir a ku̱m jiiri a gwar dlu̱m Magham.

Tlu̱nar ɓu̱ Pudeku 5:41

Tu̱ Pudekwang njig maa tabar dle gume ɓu̱ Yakhudekwang a kashar ku ku̱me nduki wa na wor wa khu̱l ku̱ za nda bonye ku̱me dlu̱m Yesu.

Romeku 5:3

Yang nu̱ ching ye nang ɗyenda ɓa, chem a zhakhzhakh tu̱k mbu̱ bonye ɓaarem, nu̱ke chem wa zu̱n nu̱ ɗyine bonye wa ka sa gu̱ndi memu̱na.

2 Korintiyeku 12:10

Ku̱me nang nga kasha tu̱ɓti ɓang, ndu̱ gangndi dakhlar ndu̱ bonye ndu̱ kakanshi nu̱ke nduki a shiran ya ku̱me Masiya. Ku̱me nang khaki nu̱ song du̱mbu̱r nang ke maa nu̱ke ngga khaki ndu̱ du̱mbu̱ri.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

2 Timoti 2:12

Mbu̱ chem wa gu̱n memu̱na rem, chem ka shi kwaaɗar su̱yen ndu̱ chin. Mbu̱ chem wa keela zu̱ndi nda, ka keela tu̱k za nyin zu̱nderem ɓa.

Yibraniyeku 11:26

Nu̱ke wa sa memu̱naran nu̱ ɗyine ɗye ɓi nu̱ke a guma, tu̱ da bonye nyin zaki ku̱me Masiya ma ɗyi mbarkandi nu̱ dukki gu̱nar nu̱ke a mbu̱ ghai Masar.

Yibraniyeku 11:6

Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yaqub 1:2

Nyeezaku, da ma aa nyi bonye nu̱ gwaki nu ma ɗye kasha,

1 Biturus 4:13

Me ɓu̱ nang, shi ma kasha ma nu̱ke tun a zakya bonye nu̱ Masiya zaki, ma ku̱ ɓa shi nu ɓong memu̱na ndu̱ kashar nu̱ke koɗokhsi ɓa ye sarchi nu̱ke a ma wut zhaaji ɓaran.

Ɗyin mbu̱ tukari 2:17

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu. Aaki raki wute nang, ngga vu̱r ɓeena manne tukakandi yenda. Ngga vu̱r ndogdi ɓongndi yenda tu̱k nu̱ bu̱laki mewar dlu̱m nu̱ ɗyinan yang nduk a nje nu̱ zu̱nki dlu̱m nang ɓa, kope njif nu̱ dlu̱ki ndogdang ɗyenda.”

Ɗyin mbu̱ tukari 2:26

Aaki raki wute, tu̱ zu̱m guma ndu̱ shir ɗyi nu̱ke nga ndolaran ma yir ye lauɗar san, ngga vu̱r zalale yenda ɗyine dlar ghaiku.

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.

Ɗyin mbu̱ tukari 21:7

Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.

Ɗyin mbu̱ tukari 3:12

Aaki raki wute ngga gaɓ ndu̱ chin ma zaure mbu̱ rafti ɓu̱ Zhinkir ɓanga. Njif nang ɓu̱ njig ye maaran sar da ɓa. Nga bu̱la dlu̱m Maghamndi ɓanga kom ndu̱ dlu̱m ghai ɓu̱ Maghamndi ɓanga mewar Urshalima, nu̱ke ka ɗa shurki mbu̱ viɗi she Maghamndi ɓanga. Nga bu̱la mewar dlu̱ma nu̱ ɗyine nda tu̱k.

Ɗyin mbu̱ tukari 3:5

Njif nu̱ raki wute nang ka sa lukti ɓongndi wa wora. Shwat ngam ɓu̱ fet dlu̱man ɓar mbu̱ Lagarkati nyifi ɓa. Yang sarchi nang chingki gha gume Zhinkir ɓanga ndu̱ nu̱ ru̱ktiku ɓaran, ngga saida dlu̱man.