Luka 6:20 - Mewar Alqawarang

²⁰ Kom tu̱ Yesu dambu̱r nu̱ she nu̱ mburi nda kwa za, “Barkya ve nu tun nun ka naki katar ɓaanu mbe shir shimndi ɓu̱ Magham ku̱me kwaaɗar ɓu̱ Magham ɗya ɓaanu.

Luka 6:20 ပူးပေါင်းရင်းမြစ်များ

Matta 11:5

Pugumku a na maari, zu̱ɓtiku a yiri, nu̱ khaati gwaanji kwa khar shakhshakh, tuurangku a tu̱k ɓalari, mu̱tikwang nakhari, nu̱ nungndiku a tu̱k labar mu̱nkandang.

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 5:1

Nu̱ Yesu naki nduki wa taba khang, tu̱ dla varan nu̱ ɗyin dlengang tu̱ kha varan gha. Tu̱ nu̱ mburi nda kwang dlan she nda.

Luka 12:32

“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 13:28

“Sarchi nun naki Yibram ndu̱ Yishaku ndu̱ Nyagham ndu̱ annabiku kap mbu̱ kwaaɗar ɓu̱ Magham, tu̱ yang komba nu ɓara, nang ke sarchi nu̱ke tun ka ɓa shiki ghoori ndu̱ ku̱ti dliindi.

Luka 14:15

Nu̱ da chele nduki nu̱ khaki nu̱ wudle tebu̱r su̱yen ndu̱ chin tu̱kki wanang, tu̱ ze Yesu za, “Barkya ve njif nu̱ke ka ɓa zu̱mki ɗye zu̱mndi mbu̱ kwaaɗar ɓu̱ Magham.”

Luka 16:25

“Tu̱ Yibram tlogha yenda za, ‘Yi ɓanga, mbu̱ ta kori, ta woɗa dlu̱ ɗye ɓi ɓa mbarkandi mbu̱ khar viti no shiki larji. Yang chin Liazaru za kya bonye, wonji yang meeni wa gwa du̱ngndi memu̱na, ɓa yang ta mbu̱ bonye.

Luka 4:18

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

2 Korintiyeku 6:10

chem a su̱yen ndu̱ chiti mbu yang ba chem a kashari. Aa nu̱ke chem nungndan, yang chem sa nduki khang tu̱ shi gu̱na. Wa tun kha rem ɓa, yang aa nu̱m kap ɗya ɓaarem.

2 Korintiyeku 8:2

Aa nu̱ke wa za bonyeku maɗyi ku̱me damtarku ndu̱ bonye nu̱ gwaki vaanda mban. Yang kap ndu̱ nang, tu̱ ɓong memu̱nar maɗyikandi sa wor tu̱ shi mu̱nkir ye nduki nu̱ ku̱nshe vu̱rti nu̱ shiki ku, aa nu̱ke nungndan ku.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

1 Tasalonikeku 1:6

Yang tun wa da ɗyin sarerem, ndu̱ ɓu̱ Zhinkir gwaanji, tun wa dlu̱ ɓalar ɓu̱ Magham ndu̱ kashar nu̱ke Jiimbi shakhshakhndi ka saki ye nduku, aa nu̱ke tun wa za bonye maɗyi.

2 Tasalonikeku 1:5

Ɗyi nang kap a wutan za kumar ɓu̱ Magham ɗya kumar zhirekandi. Ma ku̱ gwa nu ku̱ shiga nu nu̱ mbu̱ nduki nu̱ke ka khaki nu̱ mbu̱ kwaaɗar ɓu̱ Magham. Ku̱me bonye nu̱ke tun a zaranang, tun a zaran ku̱me kwaaɗar ɓu̱ Magham.

Yaqub 1:12

Njif nu̱ gu̱nki memu̱naran mbu̱ bonye ɓaran ɗya nu̱ barka, ku̱me ka gwa ɗye ɓi nu̱ nyifi nu̱ke ɓu̱ shi woɗa ɓa nu̱ Magham shiki alqawaran ye kap nduki nu̱ke a ndola nda.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

Ɗyin mbu̱ tukari 2:9

Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.