Luka 5:30 - Mewar Alqawarang

³⁰ Yang Pariseku ndu̱ Maalu̱mku ɓaanda kap ndu̱ nu̱ zu̱ndi Taurete kwang, tu̱ nggaasi ruru ku. Tu̱ zu̱ ye nu̱ mburi Yesu kwang za, “Nu̱m saki tun a zu̱mndi ndu̱ zari su̱yen ndu̱ nu̱ dlu̱r zhaanggal ku ndu̱ nu̱ solarkwang na?”

Luka 5:30 ပူးပေါင်းရင်းမြစ်များ

Matta 5:46

Mbu̱ tun a ndola kya nu̱ ndolar nu ɗyenda, tun ka gwa ɗye ɓiira fu̱na? Aa nu̱ dlu̱r zhaanggalku wa ka shi ba wa nun ka shikyang.

Matta 9:11

Nu̱ Parisekwang naki wanangang, tu̱ ze nu̱ mburi nda kwang za, “Nu̱m saki tu̱ Maalu̱m ɓaanu ki zu̱m ɗye zu̱mndi ndu̱ nu̱ dlu̱r zhaanggalku ndu̱ nu̱ solarkwang na?”

Markus 2:16

Yang ba nu̱ ɓeena Maalu̱m Taurete ku ndu̱ Parisekwang naki a zu̱m ɗye zu̱mndi ndu̱ poona ndukiku nang, tu̱ zham nu̱ mburi nda kwang. A za, “Nu̱m saki tu̱ Yesu ki zu̱m ɗye zu̱mndi ndu̱ nu̱ dlu̱r zhaanggal ku ndu̱ nu̱ solar kwang na?”

Markus 7:3

Ɓu̱ Pariseku ndu̱ Yakhudeku nu̱ka zu̱m ɗye zu̱m ku ɓa kope wa shiɓ khar wor nu̱gha mbari dong, ku̱me nang ke me ghai ɓu̱ zhikankir ku ɓaanda.

Markus 9:16

Tu̱ yang zham wor za, “Tun a shikya keele nu̱m ndu̱ wora?”

Luka 18:11

Nu̱ Parisyang jiiki tu̱ ching gha, tu̱ shi barar ku̱me ɗyinan a zu̱ran za, ‘Magham, nga kuna maɗyi ku̱me nga ngga yen ndu̱ ɓeena ndukiku nu̱ke ɗya nu̱ muuri ku ndu̱ nu̱ mu̱narku, kom ndu̱ nu̱ zawar ku. Yang nga wa nu̱ dlu̱r zhaanggal nang zum ɓa.

Luka 19:7

Yang nu̱ ndukyang kap naki wanang, tu̱ nggaasi ruru ku a zu̱ran za, “Yesu wa zhur nu̱ kaa ɓu̱ nu̱ solar nang.”

Luka 5:17

Sarchi ngguri Yesu a shogar ye nduki, tu̱ Pariseku su̱yen ndu̱ nu̱ zu̱ndi Taurete ku a ɓa ku, a vi mbu̱ gureku Galili ndu̱ Yakhudiya, kom ndu̱ Urshalima, kharan ku a tu̱k shogarang. Zalale ɓu̱ Zhinerem gwaanji a nje su̱yen ndu̱ chin ma shaana nu̱ khaatiku.

Luka 5:21

Ni nu̱ zu̱ndi Taurete ku ndu̱ Parisekwang shiki kwaari mbu̱ memu̱na wora. Tu̱ nggaasi zu̱ran ye yen ku za, “Na shwat ɗya kiya nu̱ kya ɓalar ndu̱mndi ye Magham nangang? Ki ka ɗu̱ma ki yaapa sola? Kope Magham ɗyenda.”

Luka 7:34

Yi ɓu̱ nduk a ɓa a zu̱mndi a zari nun za kaa shi zu̱m ndu̱ za maɗyi, nun za, ‘Ɗya rapti nu̱ dlu̱r zhaanggalku ndu̱ nu̱ solarku.’

Luka 7:39

Nu̱ Parisyang naki ɗyi nu̱ke nokhzang a shiran ye Yesu, tu̱ shi kwaari mbu̱ memu̱naran za, “Mbu̱ njif nang ɗya annabi ɓu̱ Magham, tu̱k wa zu̱n pooni nokhzi nu̱ke a su̱ɓa nda nang ku̱me ɗya nu̱ sola.”

Tlu̱nar ɓu̱ Pudeku 23:9

Tu̱ keele maɗyikandi ji chele ɓaanda, tu̱ yang maalu̱m taurete nu̱ke ɗya Pariseku nggur ji tu̱ ching gha ku a ɓalarku a zu̱ran za, “Ɓaarem nyem na zop nu̱ khuski nang shiki ɓa. Ki zu̱nkya? Bai jiimba gom, yang nu̱ ru̱kti ɓu̱ Magham gom shiki ɓalar yenda.”