Luka 5:24 - Mewar Alqawarang

²⁴ Yang ku̱me nga shim ku̱ zu̱n nu̱ zalalya nje kha Yi ɓu̱ nduku ma yaapa sola mbu̱ larji.” Tu̱ ze njif zurɗakandang za, “Nga zu̱ran yoro, ju, to daa ku̱rbukang to ɗu̱ va kaari.”

Luka 5:24 ပူးပေါင်းရင်းမြစ်များ

Matta 16:13

Nu̱ Yesu ɗu̱ki mbu̱ dlar ghai Kaisariya Filipi, tu̱ zham nu̱ mburindakwang za, “Nduki a zu̱ran za Yi ɓu̱ Nduk ɗya kiya?”

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 26:64

Tu̱ Yesu ze nda za, “Ba wa no zu̱kyang. Yang nga zu̱ran ye nu, ji ɗyin leendang tun ka na Yi ɓu̱ Nduk kharan ɗyin bu̱n zu̱me ɓu̱ Nu̱ zalalyang, a ɓar tu̱k mbu̱ ku̱zapti nu̱ mu̱na viɗi.”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Matta 4:24

Tu̱ labar ɓaran dlu̱ maarang mbu̱ dlar ghai Siriya kap. Tu̱ ndukyang a ɓa ndu̱ kap nduki nu̱ke var wor mu̱n ɓa. Kom ndu̱ nduki nu̱ke a bonye ndu̱ khaatiku zum zum, ndu̱ nduki nu̱ke a tu̱k vaanda ndu̱ nu̱ khu̱kheetiku, ndu̱ nu̱ muɗyirku, ndu̱ zu̱ɓtiku. Tu̱ yang shaana wor nu̱gha kap.

Matta 9:6

Yang nga shim zu̱n nu nu̱ke zalale a nje kha Yi ɓu̱ nduku ma ku̱ yaapa solar ye nduku mbu̱ larji nang.” Tu̱ ze njif zurɗakandang za, “Ju to da ku̱rbuk ɓa to ɗu̱ va kaari.”

Luka 5:13

Tu̱ Yesu zoɓa kharan tu̱ su̱ɓa nda tu̱ zu̱ za, “Nga tlogha, shono!” Fan ndu̱ fan tu̱ khaati gwaanjang ngga njifang gha.

Luka 5:18

A nje ku kharan gha tu̱ nduki a ɓa ndu̱ njif nggur nu̱ khaati zurɗari qaandan ɗyine ku̱rbuk. A bonye viri ndu̱ chin ku mbu̱ raftang ku̱me ɗu̱ nda ndu̱ chin gume Yesu.

Luka 5:23

Nyi dukki nu̱ ndolndola? Zu̱r za wa yaapa solar ɓa yor mu. Yang, ‘Ju to shi yir mu?’

Luka 7:14

Nu̱ Yesu ɗu̱ki ta su̱ɓa ɗye dar mu̱tang, tu̱ nu̱ dar mu̱tikwang ching gha, tu̱ Yesu ze mu̱tang za, “Nyakhtli, ju nu̱ viɗi!”

Luka 8:54

Tu̱ Yesu khuɓ khar mu̱tang tu̱ da su̱quran nu̱ viɗi za, “Ye wonkha, ju nu̱ viɗi.”

Yokhana 11:43

Nu̱ zu̱ki wanang tu̱ da su̱quran nu̱ viɗi tu̱ zu̱ za, “Liazaru, a vi nu̱ dam!”

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 3:13

Sar da nduk a nje nu̱ dlaki nu̱ viɗ ɓa, kope Yi ɓu̱ Nduk na shurki viɗ ɗyenda.

Yokhana 5:27

Wa vu̱r zalale kumar yenda tu̱k ku̱me ɗya Yi ɓu̱ nduku.”

Tlu̱nar ɓu̱ Pudeku 14:10

tu̱ da su̱quran nu̱ viɗi tu̱ zu̱ za, “Ju to ching gha nu̱ mbu̱ saaroro.” Tu̱ khuskyang ku̱m ji tu̱ nggaasi yiri.

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Tlu̱nar ɓu̱ Pudeku 9:34

Tu̱ Biturus ze nda za, “Iniyas, Yesu Masiya wa shaana nu̱gha. Ju to ɗyikhla ku̱rbuk ɓaaro.” Fan ndu̱ fan tu̱ Iniyas ji nu̱ viɗi.

Tlu̱nar ɓu̱ Pudeku 9:40

Tu̱ Biturus komba aaki nu̱ dam, tu̱ kurum gha tu̱ shi barari. Nu̱ mbu̱mki nu̱ she mu̱tang tu̱ zu̱ za, “Tabita, ju.” Tu̱ mu̱tang qu̱n yitan nu̱gha. Nu̱ naki Biturus, tu̱ ji tu̱ kha gha.

Ɗyin mbu̱ tukari 1:13

Chele tokhol ɓaikwang tang na njif nggur nu̱ shipaki Yi ɓu̱ nduku ndu̱ lukti zururundi ve nda nu̱ khu̱lki ɗyin saaran, ndu̱ malai nu̱ ginarwe a nje gu̱ndan ve memu̱naran.