Luka 4:23 - Mewar Alqawarang

²³ Yang tu̱ ze wor za, “Wanang ɗo, nga zu̱n tun ka zu̱ nggar mbu̱ ɓalar nanga ya, ‘To nu̱ kuzhi, shono vaaro, ɗyiku nyem tu̱kki za ta shi Kaparnakhumang, shi fan mbu̱ ghai ɓaa tu̱k ɓa.’ ”

Luka 4:23 ပူးပေါင်းရင်းမြစ်များ

Matta 13:54

Tu̱ Yesu ɗu̱ mbu̱ ghai ɓaran tu̱ nggaasi shogar ye nduki mbu̱ kib tabar ɓaanda, tu̱ shi lazhamku a zu̱ran ku za, “Khuski nang gwa pooni kaɗari ndu̱ zalale shir ɗye lazhamku nang fu̱na?”

Matta 4:13

Tu̱ njig Nazaret ta gu̱r nu̱ Kaparnakhum nu̱ke a me ɗyim chitndi ve me koɗokh maa ɓu̱ Zebulun ndu̱ Naptali tu̱ khan nje.

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Markus 6:1

Tu̱ Yesu njig ghayang tu̱ ɗu̱ mbu̱ ghai ɓaran Nazaret, yang nu̱ mburi nda kwa wa mbu̱ gaanje nda.

Luka 2:39

Nu̱ Yusufu ndu̱ Maryam woɗaki meghai nu̱ shipaki ku̱ shi ku kap, ba wa nu̱ Tauretyang zu̱ki, tu̱ gaɓ ku nu̱ mbu̱ dlar ghai Galili, tu̱ ɗu̱ mbu̱ ghai ɓaanda Nazaret.

Luka 2:51

Tu̱ Yesu gaɓ nu̱ Nazaret su̱yen ndu̱ wora a mbu zu̱r ɓaanda. Tu̱ man, Maryam ki kor ɗyiku nang mbu̱ memu̱naran.

Luka 4:16

Tu̱ Yesu a ɓa Nazaret ghai nu̱ gorki njang, tu̱ vi nu̱ mbu̱ kib tabar ɓu̱ Yakhudeku ye Su̱bji Fu̱ɗar Maasi ba wa nu̱ka shiki. Tu̱ ji tu̱ ching gha ma nggu̱ti ye chiti.

Luka 4:31

Tu̱ Yesu ɗu̱ Kaparnakhum, ghai nggur Galili tu̱ vi ma shogar ye wora Fu̱ɗar Maasi

Luka 4:35

Yang tu̱ Yesu shi wuuri yenda za, “Kho tu̱tu̱k, to vi ɓar mbe nda.” Yang tu̱ khu̱kheeti malkanda daa njifang tu̱ ghwaɗ ye ghai gume ndukyang kom tu̱ ɗu̱ varan tu̱ njigti nda, yang nu̱ ruɓa nda ɓa.

Luka 6:42

To kaa ze mu̱dlo no za, ‘Bu fed nga ye wuzu̱ndi nu̱ke a mbu̱ yitora ɓar kikimnda nu̱ke kodong qu̱farang nje mbu̱ yitorang? To nu̱ shir tun ku̱me ku̱ nduki na, nggo san ndu̱ feti kodong qu̱far nu̱ke a mbu̱ yitora ɓara dong, kom to kaa na yarang feti ye wuzu̱ndi nu̱ke a mbu̱ yiti mu̱dlwang ɓar mbari.’ ”

Yokhana 4:28

Tu̱ nokhzang njig duuli dar ɗyim ɓaranang, tu̱ ɗu̱ mbu̱ ghai tu̱ ɗa ze nduki za,

2 Korintiyeku 5:16

Ku̱me nang chem wa njig nggu̱t nduk mbu̱ manva wa nu̱ke nduk larji ka shiki, aa nu̱ke chem wa nggu̱t Masiya wanang zhu ɗau fara, yang gana chem ɓu̱ nggu̱ti nda nu̱ mbu̱ wanang tu̱k ɓa.