Luka 24:47 - Mewar Alqawarang

⁴⁷ Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Luka 24:47 ပူးပေါင်းရင်းမြစ်များ

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 9:13

Ɗu̱ ma tun a nggu̱t mbu̱ ɗyi nu̱ke ɓalar na a zu̱ran, ‘Nga gang sadka kha nu ɓa, nga shimkya nar zhiyaye.’ Ku̱me na nga ɓa ma qa nu̱ jeembu ku ɓa, nga ɓa ku̱me nu̱ solarku.”

Luka 13:34

“Awai Urshalima! Awai Urshalima! To no tlaghaki annabiku, to mbuk nduki na ru̱kki wor yoro. Sar kim nga shimki taba nga nduki ɓaanu nu̱ ye maa da, ba wa nu̱ke man kuzha ka kanggu̱laki qusonggi ɓaran nu̱ mbu̱ khobkan yang tun wa zhang gha!

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 13:46

Yang tu̱ Bulus ndu̱ Barnaba shi ɓalari, sawa su̱ ɓa. Tu̱ zu̱ ku za, “Tun Yakhudeku, tun shipaki ku̱ ngga mi su̱ zu̱ ɓalar ɓu̱ Magham ye nu, yang nu̱ke tun wa zhang gha. Tun wa wut nu̱ ɗyine nun shipa gwar nyifi nu̱ke nu̱ka shi woɗa ɓa nda ɓa. Nu̱ke wanangang, chem ka ɗu̱ she nduki nu̱ke ɗya Yakhudeku ɓa.

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Tlu̱nar ɓu̱ Pudeku 26:20

Tang nggaasi waazu ye nduki nu̱ Damaskus, kom tang shi ye nduki nu̱ Urshalima ndu̱ dlar ghai ɓu̱ Yakhudiya kap. Kom tang shi ye nduki nu̱ke ɗya Yakhudeku ɓa nu̱ ɗyine ku̱ ɗa mbu̱m ku ku̱ ɗa gaɓ nu̱ she Magham, tu̱ shi ɗyi nu̱ke ka wutki za wor wa nggoɗ tu̱k.

Tlu̱nar ɓu̱ Pudeku 28:28

“Yang zu̱n man gha, Magham wa ru̱k labar gwar ɗanari nu̱ she nduki nu̱ke ɗya Yakhudeku ɓa. Yang ka dlu̱ ku.”

Tlu̱nar ɓu̱ Pudeku 3:19

Ku̱me nang, nggoɗ ma, tun gaɓ nu̱ she Magham ma ku̱ shiɓ solar ɓaanu ye nun gha. Zhinerem gwaanji nu̱ke a su̱yen ndu̱ tunu ka pa du̱mbu̱r ye jiimbonu tu̱ memu̱nanu kha mewa,

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:27

Ɗyi nu̱ Magham daasaki chin ke ku̱ nduki ɓaran zu̱n ɗyi tukakandi ku ɓaran, chin gu̱nar ndu̱ zhaaji tukakandi nu̱ke a kha nda ku̱me nduki kap. Yang ɗyi tukakandi nang a wutan za tun ka gwa me ɓaanu sar memu̱nar mbu̱ zhaaji ɓu̱ Masiya.

1 Yokhana 2:12

Qusonggi ɓang nu̱ke nga ndolaran, nga bu̱laran ye nu, ku̱me wa yaapa solarku ɓaanu ye nu barke ɓu̱ dlu̱m Yesu.