Luka 24:27 - Mewar Alqawarang

²⁷ Tu̱ mbakh mbu̱ ɗyi nu̱ lagarkatikwang zu̱ki nu̱ ɗyine nda, nggaasan ɗyin Musa nu̱ annabiku kap.

Luka 24:27 ပူးပေါင်းရင်းမြစ်များ

Markus 4:34

Sar da nu̱ shi ɓalar ye wor waare ku̱rti ɓala ɓa. Yang sarchi nu̱ke a su̱yen ndu̱ nu̱ mburindakwang ɗyenda, wa ka zu̱ aa nu̱m ye wor ye dalangi.”

Luka 24:25

Tu̱ yang Yesu ze wor za, “Ai sagharku, tun nu̱ke nun ka maita ɓalar ɓu̱ annabiku mbu̱ memu̱nanu kap ɗau ɓa.

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 1:45

Tu̱ Filibus gwa Nataniyel tu̱ ze nda za, “Chem wa gwa njif nu̱ Musa bu̱laki labar ɓaran mbu̱ taurete ndu̱ lagarkatiku ɓu̱ annabikwang, chin ke Yesu khuzi Nazaret, Yi ɓu̱ Yusufu.”

Yokhana 12:41

Yishaya zu̱ wanang ku̱me wa na zhaaji ɓu̱ Yesu tu̱ vu̱r labar ɓaran.

Yokhana 5:37

Chin Zhinkir nu̱ ɗa ru̱kki ngang, ndu̱ varan ɗya saidu ɓanga. Sar da nun tu̱k su̱quran ɓa yang sar da nun na shipar ɓaran ɓa.

Yokhana 5:39

Ba tun a laɓ mbu̱ Bu̱lar ɓalar ɓu̱ Magham, ku̱me tun a tamandan za tun ka gwa nyifi nu̱ke ɓu̱ shi woɗa ɓa mban. Yang Bu̱lar ɓalar ɓu̱ Magham ku nang kya saida nga.

Tlu̱nar ɓu̱ Pudeku 10:43

Annabikwang kap wa saida nda za aaki maitaki nda ka gwa yaapar solar ɓaran nu̱ ku̱nshe dlu̱man.”

Tlu̱nar ɓu̱ Pudeku 3:18

Yang tu̱k nu̱ ku̱nshe shir ɓu̱ ɗyiku nang Magham wa nyel ɗyi nu̱ zu̱ki nu̱ ku̱nshe annabikwang kap, ku̱me wa zu̱ za Masiya ɓaran ka za bonye.

Tlu̱nar ɓu̱ Pudeku 3:22

Ji Musa wa zu̱ za, ‘Magham Zhinkir ɓaanu gwaanji ka ɗa ru̱k annabi nggur ye nu mbu̱ khachinkirku ɓaanu, ba wa nu̱ ɗa ru̱kki ngang. Yang wa ku̱s ku̱ tu̱k nu ɗyi nu̱ke ka zu̱ki ye nu kap.

Tlu̱nar ɓu̱ Pudeku 3:24

“Annabiku kap, ji ɗyin Samaila ma yir ɗyin annabiku na ɓa ki gana wa shi ɓalarku ɗyine ɗyiku nu̱ shiki mbu̱ qaandiku nang shwat.

Tlu̱nar ɓu̱ Pudeku 7:37

“Ba chin Musa nang zu̱ki ye Israila za, ‘Magham ka ɗa ru̱k annabi nggur ye nu chele nduki ɓaanu, ba wa nu̱ ɗa ru̱kki nga.’

Tlu̱nar ɓu̱ Pudeku 8:35

Tu̱ Filibus nggaasan ndu̱ maa nu̱ke a si mbu̱ lagarkati ɓu̱ Maghamang tu̱ zu̱ Labar Mbarkandi ɓu̱ Yesu yenda.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.