Luka 23:4 - Mewar Alqawarang

⁴ Tu̱ Bilatus ze kuruku rututundi ndu̱ ndukikwang za, “Ɓang nang gwa njif nang ndu̱ zop ɓa.”

Luka 23:4 ပူးပေါင်းရင်းမြစ်များ

Matta 27:19

Nu̱ Bilatus khaki gha ye maa kumarang tu̱ nokhzan a ru̱k ku̱ ze nda za, “Vi ɓar mbu̱ njiv ɓu̱ nu̱ dambi nang ku̱me nga za bonye ndu̱ zhine ndu̱ chin virkir nang.”

Markus 15:14

Tu̱ Bilatus zham wor za, “Ku̱me nu̱ma? Shikya nyi zopa?” Tu̱ shaata gha su̱qur wor nu̱ viɗi za, “Ku̱ katli nda gha.”

Luka 23:22

Tu̱ Bilatus gaɓ tu̱ shi ɓalar ye wor nu̱ kunungan za, “Ku̱ kaatli nda gha ku̱me nu̱ma? Njif nang shi kya nyi pooni zopa? Nu̱ shi ɗye tlagha ɓa. Ku̱me nang ngga shi kya ba kurpi yenda tang ngga nda gha.”

Yokhana 18:38

Tu̱ Bilatus zham nda za, “Nu̱m ke zhirya na?” Qu̱rse wa shi zhamndi nang, ta ɓa she Yakhudekwang tu̱ ze wor za, “Ɓang nang gwa nda ndu̱ zop nggur ɓa.

Tlu̱nar ɓu̱ Pudeku 25:25

Yang ɓang nang na ɗyi nu̱ shiki nu̱ khu̱lki ku̱ tlagha nda ɓa. Yang tu̱k nu̱ke chin nu̱ varan khuɗki za ku̱ ɗu̱ ndu̱ kumarang gume Kaisar, tang zu̱ nga za ngga ɗu̱ si she nda.

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

1 Biturus 1:19

Dli ɗyinonu ndu̱ tom ɓu̱ Masiya nu̱ke zhaaji a si, wa kha wa ye gamndi nu̱ sadke, nu̱ke me chiɓi nje ve nda ɓa yang beeko ɓa.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,