Luka 23:2 - Mewar Alqawarang

² Tu̱ da zhaano ɓaran a zu̱ran ku za, “Chem wa gwa njif nang a sagha ɗyin ndukiku ɓaarem nu̱gha, a sokh wor za ku̱ vu̱r zhaanggal ye Nggomne gwaanji (Kaisar) ɓa. Wonji tu̱k wa ka qa ɗyinan za chin a mbu̱ Masiya kuji.”

Luka 23:2 ပူးပေါင်းရင်းမြစ်များ

Matta 17:27

Kap ndu̱ wanang, ma ku̱ nduki nang shi shokhna ndu̱ chem ɓa, ɗu̱ me ɗyim chitndi to mbuk nggilingndi. To qu̱n mbu̱ me yurvi no nggaki su̱ ku̱san. To ka gwa mu̱zhindi ye vi, to vu̱r ye wora. Nang ke mu̱zhindi zhaanggal ɓanga ndu̱ ɓaaro.”

Matta 22:21

Tu̱ tlogha ku za, “Ɗya ɓu̱ Kaisar.” Tu̱ Yesu ze wor za, “Vu̱r ma ɗyi ɓu̱ Kaisar ye Kaisar, ɗyi ɓu̱ Magham tun vu̱r ye Magham.”

Matta 27:11

Ye sarchi nang Yesu a nje chingndan gume nggomna, tu̱ nggomnyang zham nda za, “To ke kuji ɓu̱ Yakhudekwang mu?” Tu̱ Yesu ze nda za, “Wanang ni, ba wa no zu̱kyang.”

Markus 12:17

Tu̱ Yesu ze wor za, “Vu̱r ma ɗyi ɓu̱ Kaisar ye Kuji Kaisar, ɗyi ɓu̱ Magham tun vu̱r ye Magham.” Tu̱ shi lazham ku maɗyi.

Markus 15:2

Tu̱ Bilatus zham nda za, “To ke Kuji ɓu̱ Yakhudeku mu?” Tu̱ yang tlogha yenda za, “Ta zu̱ ndu̱ meero.”

Luka 23:14

Tu̱ ze wor za, “Tun a ɓa ndu̱ njif nang ya nun za a sagha ɗyin nduki ma ku̱ zhang mbu kwaaɗa gha. Yang wonji ba fan nga shi zhamndiku yenda gume nu kap nang gwa nda ndu̱ zop mbu̱ ɗyiku nun daki zhaano ɓaran ɗyinanang ɓa.

Luka 23:5

Tu̱ yang ndukyang nggaasi khu̱n ɓai ye Bilatus a zu̱ran ku za, “Nduki nu̱ mbu̱ dlar ghai Yakhudiya kap damtaran ku, wa ku̱na gwa maa kha ku ku̱me pooni shogar nu̱ke a shiran. Nggaasi shogar nang mbu̱ dlar ghai Galili, yang wonji aa khu̱l fan tu̱k.”

Yokhana 18:29

Ku̱me nang, tu̱ Bilatus vi nu̱ dam tu̱ gwa wor za, “Tuna da zhaano ɓu̱ njif nang ɗyine nu̱ma?”

Yokhana 18:30

Tu̱ tlogha ku za, “Mbu̱ nu̱ shi zop ɓa, ai, tu̱ga chem ɓu̱ ɗa ɓa ndu̱ chin sho ɓa.”

Yokhana 19:12

Ku̱me ɓalar nang, tu̱ Bilatus shim ngga Yesu gha, tu̱ yang Yakhudekwang da su̱qur wor nu̱ viɗi a zhaano ku za, “Ba mbu̱ ta ngga khuski nang gha, to rapti Kaisar ɓa. Ai, aaki gaɓki ndu̱ ɗyinan ma kuji a shikya takhumndi ye Kaisar.”

Tlu̱nar ɓu̱ Pudeku 24:13

Aa ɗyi nu̱ke a zu̱ran ku gume nang ɓu̱ ɗu̱ma wut zhire ni yor ku ɓa.

Tlu̱nar ɓu̱ Pudeku 24:5

“Njif nang ɗya nu̱ keele, a ɓar ndu̱ damtar chele ɓu̱ Yakhudeku nu̱ mbu̱ larji nang kap, chin ke gorkir ɓu̱ nduki nu̱ka qaki var wor za wor ke Nazaret ku, nang ke nu̱ mbu Yesu ku.

Romeku 13:7

Tun dli kudum nu̱ke aakya mburo nu. Mbu̱ ɗya zhaanggal ɓaanu nu̱ shipaki ku̱ dli nu, tun dli, mbu̱ ɗya zhaanggal nu̱ ɗyine ɗye gomarku ɓaanu, tun dli, mbu̱ vu̱rti gorki, tun vu̱r gorkiri, mbu̱ ɗya vu̱rti zhaaji, tun vu̱r zhaaji.